GMN TV Politika PM fó posse ba PKFP no komisaria na’in 2

PM fó posse ba PKFP no komisaria na’in 2

0 views

FOTO:FACEBOOK

Primeiru Ministru(PM), Taur Matan Ruak, fó tomada de posse hodi re-eleitu kargu, Prezidente Komisaun Funsaun Públika (PKFP), no Komisaria foun na’in rua (2).

Primeiru Ministru Taur Matan Ruak hateten, kargu ne’ebé mak asumi ne’e temporaria, tamba ne’e presiza fó kontribuisaun ba dezenvolvimentu rai ida ne’e nian, hodi servi nafatin povu.

“Lori hau nia naran no Oitavu Governu nia naran, agradese ba komisaria sesante Maria Domingas Fernandes, Jacinta Bernado, Governu apresia no kontente ho sira nia prestasaun servisu, hodi servi komunidade liu husi KFP,”dehan, Xefe Governu Taur Matan Ruak, iha Palásiu Governu, Kinta(28/05/2020).

Governante ne’e subliña, Estadu atu funsiona presiza faktor barak liu-liu rekursu umanu.

“Iha ita nia istoria Timor nian, faktores ne’ebé lori nasaun ne’e manan iha situasaun difisil hotu mak rekursu. Ita nia nasaun ida ne’ebé ki’ik no povu ida ne’ebé kiak, sikat iha nasaun bo’ot sira nia klaran, laiha meius no rekursus, maibé lori ita nia vontade, pasensia ita manan dezafius hotu, hodi afirma ita nia nasaun hanesan nasaun bo’ot ida, kultura ida ne’e mak ita lori nafatin, ita sira ne’e hotu ba asumi kargu temporaria deit, hodi fó kontribuisaun ba ita nia dezenvolvimentu nasaun,” tenik, PM Taur.

Iha fatin hanesan, Prezidente Komisaun Funsaun Públika, Faustino Cardoso, agradese ba Oitavu Governu Konstituisionál, ne’ebé fó nafatin fiar hodi assume kargu ne’e, no nia promete sei rona orientasaun husi Governu, hodi hadia servisu Komisaun Funsaun Públika.

“Hau agradese ba PM nune’e mos ba membru Oitavu Governu, ne’ebe latan konfiansa ba ami, dala ida tan ba ha’u, atu hala’o servisu importante tebes ne’ebé dezafiante, ligadu ho konzuntura polítika maibé, iha komprimisu no optimismu sei konkista sucessu hodi apoiu polítika no programa Governo,” afirma, PKFP Faustinu.

Faustinu hateten, sei  aproveita oportunidade ida ne’e ho kbi’it no matenek, konta mos ho apoiu polítiku atu nune’e KFP bele la’o ho diak, hatan ba espetativa KFP no realiza polítika Governo nian.Cin

 

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker