GMN TV Politika PN ezije Governu fiksa loron pagamentu subsídiu USD100

PN ezije Governu fiksa loron pagamentu subsídiu USD100

0 views

Reprezentante povu iha uma fukun Parlamentu Nasionál (PN), liu-liu bankada FRETILIN ezije ba  Governu atu fiksa loron  pagamentu subsídiu USD100 ba kada família iha Timor-Leste durante periódu Estadu Emerjénsia (EE), tanba dau-daun ne’e povu sira hein hela promesa Governu ni’an ne’e.

“Ita hotu hatene katak EE durante periódu fulan rua iha promesa ne’ebé mak ita nia Governu atu fó subsídiu ba ita-nia povu kbi’it la’ek sira, ne’ebé ita-nia komunidade durante ne’e sira laran metin tebes ba apoiu ida ne’e, ita akompaña promesa ne’e muda nia tempu, maibé seidauk fiksa loron“,Deputadu bankada FRETILIN, Mariano Mota liu husi ninia intervensaun iha plenária, Segunda (25-05-2020).

Nia husu mós ba Governu tenke pronunsia bainhira loos mak povu sira bele hetan direitu ida ne’e, tanba durante EE povu kbi’it la’ek ne’ebé fila-liman labele hala’o sira nia aktividade negósiu hodi hetan rendimentu.

Nune’e mós, deputadu FRETILIN, David Dias Ximenes “Mandati”, hateten, pontu prinsipál ne’ebé revendika mak fó subsídiu ba povu sira.

“Sujere ba VIII Governu konstitusionál tenke halo la-lais pagamentu subsídiu ba povu sira, hodi fó kondisaun ba povu sira”, tenik Mandati.

Hatán ba kestaun ne’e, reprezentante Governu Sekretáriu Estadu Komunikasaun Sosiál (SEKOMS), Mericio Akara, hateten, Governu sei halo pagamentu iha tempu badak, maibé iha hela fallansu tékniku, nune’e sei iha prosesu nia laran.

Antes ne’e, Ministra Solidaridade Sosiál no Inkluzaun (MSSI), Armanda Berta dos Santos, hateten, semana oin Governu hahú halo ona pagamentu subsídiu USD100 ba povu Timor-Leste. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker