GMN TV Politika PPN Arão: Uluk PPN Aniceto la ajenda karta destituisaun mos la viola lei

PPN Arão: Uluk PPN Aniceto la ajenda karta destituisaun mos la viola lei

0 views

Prezidente Parlamentu Nasional (PPN), Arão Noe Amaral, deklara, kona-ba karta destituisaun ne’ebé hatama husi bankada tolu hanesan PLP, FRETILIN ho KHUNTO, nia sei la ajenda mos la viola buat ida, tanba destituisaun ida uluk atu troka eis PPN Aniceto Guterres mos momentu ne’eba nia nunka ajenda, to’o Prezidente Repúblika, Francisco Guterres Lú Olo, disolve.

“Pedidu ida uluk tama iha Janeiru ba destituisaun Prezidente PN IV lejislatura to’o fim de mandatu eleisaun antesipada 2018 nein ajenda ne’e hatudu katak la viola buat ida, e ne’e mos la sala ida, di’ak hela”,deklara Arão Noe Amaral ba Jornalista sira iha Parlamentu Nasional, Kinta (7/5/2020), bainhira konfirma kona-ba karta destituisaun ne’ebé bankada tolu hatama tiha ona ba meja atu bele ajenda.

Prezidente Parlamentu Nasionál (PPN) Arão Noe de Jesus da Costa Amaral, hatete, kona-bá ajendamentu pedidu destituisaun ne’ebé aprezenta husi bankada PLP, FRETILIN ho KHUNTO, Arão Noe konsidera situasaun IV lejislatura ho V lejislatura hanesan, nune’e la viola lei ruma bainhira la ajenda.

Ho nune’e, nia parte deside estuda lai pedidu refere hodi fó justifikasaun ba akuzasaun falsu husi bankada tolu ne’ebé mensiona iha pedidu destituisaun meja PN ne’e.

“ Ida ne’e hau sei haree lai, estuda nia kontíudu, tanba ne’e ha’u labele hateten lai ajenda ka la’e. Maibe pedidu uluk (2017 IV lejislatura) hatama iha Janeiru karta destituisaun, maibe to’o fim mandatu to’o EA, mós la ajenda,  ne’e katak la viola buat ida, buat ruma la sala ida, diak hela ne’e,”deklara Arão Noe.

Alende ne’e, Arão Noe afirma, nia parte sei estuda kontíudu hosi pedidu destituisaun ne’e, tanba ne’e, semana oin seidauk bele halo ajenda plenária.

“Depois mak ha’u resposta eskrita ba rekerimentu ne’e, iha komunikadu ne’ebé sai ne’e atu fó hatene de’it katak, tuir loloos iha semana oin iha ajenda  ba reuniaun líder bankada semana oin, maibe tanba iha rekerimentu destituisaun ne’e tama, ne’ebé husu destituisaun hau nian, entaun hau iha direitu para responde ba rekerimentu refere, agora hau haree lai rekerimentu ne’e, depois responde ba ofisialmente relasaun ho asuntu ne’e. Tanba ne’e mak husu adía tiha reuniaun líder bankada ida ohin, ba fali tempu tuir mai, bainhira hau responde ona pedidu ne’e. ”subliña Xefi lejisladór ne’e.

Líder másimu II órgaun soberanu ne’e mós fó sai komunikadu ba imprensa ida ne’ebé hateten, nia parte laiha hanoin atu boikota plenária, maibe tanba pedidu destituisaun tama ona, nune’e nia presiza konsentra lai ba pedidu refere.

“Hanoin ita la halo buat ida atu boikota, se uluk 2017 IV lejislatura plenária laiha ema ida la kestiona, tanba mak agora kestiona fali, tanba iha reuniaun líder bankada COVID-19 nian deside ona katak, kuandu iha ajenda ordem do dia mak foin plenária, se laiha ajenda laiha plenária, ne’e duni tuir de’it saída mak hateten iha ne’ebá. Depois hau sei justifika hotu, kona-bá ida ne’e, pontus lubuk ida mak rekerentes sira koloka iha rekerimentu ne’e.”tenik Amaral.

Pedidu destituisaun ne’e aprezenta husi deputadu sira bankada PLP, FRETILIN ho KHUNTO, iha loron 5, fulan Maiu, tinan 2020 ne’e.

No bankada tolu ne’e rasik deklara ho “ameasa” katak sei ejize vise prezidente PN nain rua ne’ebé reprezenta husi bankada PLP ho KHUNTO hodi ajenda pedidu destituisaun ne’e bainhira Prezidente Parlamentu Nasionál Arão Noe lakohi ajenda ba plenária.

Tuir rejimentu Parlamentu Nasionál artigu 23 alinea tolu hateten,  Vise Prezidente sira kompete dezempeña funsaun sira, reprezenta husi Parlamentu, iha ne’ebé atribui husi Prezidente ka sira ne’ebe  delega husi Prezidente.Say


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker