GMN TV Politika PR Lú Olo la imparsiál, ACBN apoia petisaun CNRT ba TR

PR Lú Olo la imparsiál, ACBN apoia petisaun CNRT ba TR

0 views

Asosiasaun Kombatente Brigada Négra (ACBN), fó sira nia apoia total ba Ekipa Advogadu Partidu CNRT, ne’ebé halo Petisaun ba Tribunál Rekursu (TR) hodi husu fiskalizasaun abstrata ba áktu Xefe Estadu nian ne’ebé tuir ACBN la imparsial hodi favoritizmu de’it ba grupu balun.

Prezidente Asosiasaun Kombatentes Brigada Négra, Nuno Manuel Corvelho de Andrade Sarmento, hato’o kestaun ne’e liu husi konferénsia ba imprensa, Kuarta (06/05), iha edifisiu ACBN Balide Díli.

“Ami fó apoiu total no inkondisional ba deputadus kompostu husi deputadu nain 15 ka 1/5 husi total deputadus ne’ebé ho sira nia dever no sensibilidade konstitusional tuir Lei inan haruka hodi halo petisaun no husu apresiasaun husi supremo Tribunal da Justisa iha loron Tersa (5/05) konabá hahalok no desizaun ne’ebé ita nia nai Prezidente Repúblika hala’o iha periodu 2017 to’o 2020”, dehan  Prezidente ACBN.

Nuno Manuel Corvelho hatutan razaun ACBN apoia Ekipa Advogadu Partidu CNRT hato’o  petisaun ba Tribunal Rekursu, tanba tuir sira nia haree katak, hahú iha tinan 2017 to’o 2020 ne’, Prezidente Repúblika foti desizaun la imparsiál no hamosu dúvida, hodi fó benefisiu ba grupu balun de’it.

Tuir Asosiasaun Brigada Négra katak petisaun ne’e atu husu ba Tribunal Rekursu, atu avalia átu Prezidente Repúblika nian, tuir kompeténsia instituisaun judisiál ne’ebé Lei inan rasik, fó kna’ar ba sira atu tesi lia sala ou lós.

Organizasaun rezisténsia, Brigada Négra hanesan mós ho organizasaun sira seluk, ne’ebé kontribui luta ba harii Estadu Direitu Demokrátiku, sente iha dever no responsabilidade, hodi hamriik atu defende inkondisionalmente Lei inan, ne’ebé sai hanesan baze legál Instituisaun Estadu Direitu Demokratiku RDTL.

Petisaun husi Partidu CNRT nian ne’e advogadu partidu nian entrega ona ba Tribunal Rekursu iha loron Tersa (05/05). Petisaun ne’e atu husu ba Tribunal Rekursu halo fiskalizasaun abstrata, ba átu Xefe Estadu nian, tanba CNRT deskonfia katak  Prezidente Repúblika  viola Konstituisaun RDTL.Tos


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker