GMN TV Politika Se mak izola Xanana, funu na’in ho povu tomak sei hamriik taka dalan ba sira

Se mak izola Xanana, funu na’in ho povu tomak sei hamriik taka dalan ba sira

0 views

Veteranu Reis Kadalak, deklara, líder partidu polítiku sira ne’ebé hanoin a’at hodi izola maun bo’ot Kay Rala Xanana Gusmão iha tempu agora, funu na’in sira iha rai-laran sei hamriik hamutuk ho povu tomak atu kontra no taka dalan ba sira hotu.

“Ami funu na’in sira iha rai-laran, ami sei la hakrúk ba sira ida atu izola fali Kay Rala Xanana Gusmão iha tempu agora, ami la simu, ne’e ami la simu. Tanba terus liu funu na’in sira iha rai-laran mak terus hamutuk ho Kay Rala Xanana Gusmão terus liu, la’os hanoin a’at sira mai husi liur ne’e, ami la konkorda! Ne’e ami la konkorda, la konkorda! Mai para fahe fali líder sira para depois asume poder, alkansa sira-nia interese, ami ho povu maubere tomak sei la fó dalan ba sira”,dehan veteranu Reis Kadalak, ba Jornalista sira liu husi konferénsia ba imprensa, Segunda (11/5/2020), iha Díli, bainhira husu Kona-ba situasaun polítika atual ne’ebé implika ba kondisaun sosioekonómiku nasaun ninian.

Reis Kadalak mos hatete, Prezidente Repúblika, Francisco Guterres Lú Olo tau liu interese partidu FRETILIN nian iha oin hodi ignora no haksoit sa’e konstituisaun, mak sira sei mobiliza povu tomak tun halo demonstrasaun bo’ot hasoru PR Lú Olo ne’ebé la hatudu hanesan PR ba povu tomak, maibe ba deit partidu FRETILIN nia interese.

“Ami sei bolu povu maubere tomak tun halo demonstrasaun bo’ot hasoru Prezidente Repúblika, tanba la kumpri konstituisaun”,tenik tan Reis Kadalak.

Reis Kadalak mos hatutan ba nai ulun sira atu buka kumpri konstituisaun RDTL, la’os hakat sa’e fali konstituisaun tuir hakarak. Tanba konstituisaun mos bo’ot liu ema hotu.

“Prezidente Repúblika hodi la konvoka eleisaun antesipada mak lei ba ita laiha ona. Husi parte CNRT agora hein petisaun ne’ebé hatama ba Tribunal Rekursu, nia prosesu ne’e la’o hela ona”,dehan Reis Kadalak, ne’ebé hamutuk ho lideransa sira ne’ebé nia partidu lahetan asentu iha Parlamentu Nasional ne’e.Nes


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker