GMN TV Politika Seguransa ai-han sai ema hotu nia preokupasaun, PM bolu MAP

Seguransa ai-han sai ema hotu nia preokupasaun, PM bolu MAP

0 views

Ho surtu Corona Virus Disease 2019 (COVID-19), ne’ebé invade mundu inklui Timor-Leste, fó impkatu mós ba seguransa ai-han iha rai laran, tamba ne’e Primeiru Ministru (PM)Taur Matan Ruak, bolu Ministru Agrikultura no Peskas, Joaquim José Gusmão, hodi aprezenta programa Ministeriu Agrikultura no Peskas (MAP).

“MAP aprezenta programa agrikultura nian ba PM, haree liu kona-ba ita nia preokupasaun, ba COVID-19 ne’ebé akontese fó impkatu ba seguransa aihan iha rai laran, no sai preokupasaun boot ba ita, tamba ne’e PM hakarak hatene saida mak MAP halo ona, hodi motiva agrikultor kona-ba seguransa ai-han” hateten, Ministru Agrikultura no Peskas, Joaquim José Gusmão, iha Palasio Governu, Tersa (05/05/2020).

Nia hatutan, dadaun ne’e MAP hatama hela proposta ba, ba iha fundu COVID-19,  maibé hein hela prosesu aprovasaun proposta, MAP mobiliza hela makina eskabatór 6, 4 mak funsiona.

“Ita komesa fahe ona ba area irigasaun bo’ot sira, iha parte leste, no balun ita konsentra ona ba karau ulun, atu bele halo normalizasaun ba iha kanal, irigasaun sira ne’ebé mak iha” dehan, Joaquim.

Governante ne’e esplika, desde tinan 2017 até 2019, MAP laiha orsamentu hodi halo normalizasaun ba iha irigasaun, MAP halo deit normalizasaun emerzensia ba irigasaun sira.

Iha tinan ida ne’e mak tau osan ituan  hodi halo, ,manutensaun ba kanal irigasaun sira, maibé la konsege liu tamba ne’e mak, MAP hetan apoiu husi parseiru sira, atu nune’e makina bo’ot sira bele halo servisu iha terenu.

“Orsamentu husi Governu hodi halo intervensaun, ba setór agrikultura, kada tinan nafatin ita la aumenta area kultiva, kada tinan ita kuda hektar 10, hetan produsaun mak ne’e deit, laiha mudansa sé ita hakarak hetan produsaun barak, tenki investe liu tan hodi produs ai-han barak ida ne’e la akontese,” tenik, nia.

Ministru MAP ne’e subliña, desde to’o agora natar ne’ebé mak iha, nia númeru sei nafatn, tamba ne’e produsaun menus, iha 2012 produsaun sae makas tamba makina foun, maibé agora dadaun produsaun menus.Cin


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker