GMN TV Politika Troka meza PN ne’ebé hetan estragu, tenke liu husi serimónia rituál

Troka meza PN ne’ebé hetan estragu, tenke liu husi serimónia rituál

0 views

Deputadu sira iha uma fukun Parlamentu Nasionál (PN) husu ba Prezidente PN, Aniceto Guterres atu troka meza PN ne’ebé aat ou hetan estragu hafoin mosu dezintendimentu entre deputadu sira iha loron  19, fulan ne’e, tenke liu husi  serimónia rituál.

“Partidu KHUNTO defende ita-nia kultura mak ita-nia identidade, ita labele la’o ho situasaun ida ne’e, maibé tenke haree situasaun prosesu ida ne’e, maske plenária la’o di’ak, maibé ha’u lakohi implikasaun husi meza Prezidente PN nia rahun bele difikulta deputadu sira ne’ebé mak hala’o servisu”, Deputadu husi bankada KHUNTO, António Nobre Tilman liu husi ninia intervensaun iha plenaria, Segunda (25-05-2020).

Tanba  ne’e, tenke liu husi prosesu rituál ida, Prezidente PN tenke aselera la-lais ona meza PN ne’ebé  hetan estragu iha loron 19, fulan ne’e.

Husi sorin seluk, deputadu bankada PD, Adriano do Nascimento, sujere mós katak, meza Prezidente PN ne’ebé aat ne’e tenke rai iha Múzeu Rezisténsia Timor-Leste.

“Meza aat ne’e kontinua iha kotuk, ida ne’e hatudu públiku Timor laran no internasionál ladún furak, sim ita hakarak hahú buat ne’ebé foun, ida ne’e mós kestaun imajen Estadu ni’an, sá tan ita solene ida ne’e depois iha ita nia kotuk meza hanesan ne’e, hatudu mensajen violénsia ba públiku, ida ne’e sai ha’u nia preokupasaun. Tenke rai nafatin meza ho kadeira ne’ebé so’e ba mai, hodi rahun ne’e tau iha múzeu rezisténsia, ho razaun iha meza refere nia leten mak konstituisaun asina no fundasaun nasaun ida ne’e ni’an, ida ne’e mós parte husi istória nasaun, liu-liu istória PN”, afirma Adriano.

Maske meza Prezidente PN ne’ebé aat seidauk troka, maibé iha loron 25, fulan ne’e, Prezidente PN foun, Aniceto Guterres hamutuk ho Vise na’in rua (2) hahú lidera meza, hodi realiza plenária okupa de’it fatin ne’ebé Governu sira uza bainhira halo aprezentasaun no reprezentante Governu okupa fali fatin tékniku sira ni’an. ety


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker