GMN TV Politika Xanana: F-FDTL ho PNTL tenke neutru

Xanana: F-FDTL ho PNTL tenke neutru

0 views

Eis komandante em Xefe Falintil, Kay Rala Xanana Gusmão, husu ba F-FDTL no PNTL sira tenke mantein neutralidade iha situasaun polítika atuál hodi garante estabilidade nasional ba povu tomak.

“Ha’u agradese teb-tebes ba forsa sira, ba Jenerál Lere, nia mós sente katak akompaña hela, agradese teb-tebes tanba forsa sira neutral, problema polítiku, forsa sira neutral. Polísia mak rona ba dehan rona ordem ba-mai, maibe husu ba polísia mós tenke sai neutral, polítika ne’e polítika. Forsa rua ne’e mak kuandu neutral didi’ak, buat sira ne’e la’o di’ak, tanba desizaun final sei iha povu, 2022 hili PR foun ida, ka hakarak hili nafatin nia (Lú Olo) para ita la’o hanesan ne’e, no 2023 hili partidu ida ne’ebé hatene ukun, tanba últimu desizaun iha povu nia liman,”dehan eis PM ne’e.

Tuir Xanana, CNRT kontiua defende prinsípiu estadu direitu demokrátiku, maibe la’os ho hadau ka asalat poder hanesan foin liu ba ne’e no mos sei la ho violensia.

“Ne’e tenke, maibe la’os ho violensia ho nafatin eduka ita nia povu, ho nafatin tuir dalan ne’ebé lei fó, ne’e CNRT sei halo nafatin, sem violensia sem halo buat ruma. Kona-bá polítika, ha’u nia sentimentu hanesan povu nia sentimentu, ne’ebé sente katak agora rai ne’e atu la’o oinsa loos. Konstituisaun sira mak halo tiha, agora sama tan fali konstituisaun, ida ne’e hanesan lisaun ida atu aprende hosi CNRT, tanba ne’e mak CNRT bolu militantes CNRT tur hakmatek,”dehan eis Prezidente Repúblika ne’e.

Antes ne’e, partidu CNRT hatama ona petisaun ba Tribunal dala rua, hodi husu legalidade ba aktu Prezidente Repúblika Francisco Guterres Lú Olo, durante impasse polítiku, maibé petisaun sira ne’e, tribunál indefere hotu.

Inklui rekursu hosi Prezidente Parlamentu Nasionál sesante, Arão Noé Amaral, ne’ebé haruka iha semana ne’e, hodi husu legalidade ba prosesu votasaun ba Aniceto Guterres, nu’udar Prezidente Parlamentu, maibé Tribunal husu hikas lejitimidade, ho nune’e CNRT desidi, sai opozisaun hodi akompaiña, no hein desizaun hosi povu, iha eleisaun Prezidente tinan 2022, no eleisaun jerál tinan 2023.Say

 


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker