GMN TV Politika Xanana: Hadau malu kadeira ne’e problema bo’ot

Xanana: Hadau malu kadeira ne’e problema bo’ot

0 views

Eis Prezidente Repúblika, ne’ebé koñesidu ho líder karismátiku, Kay Rala Xanana Gusmão, hatete, ulun bo’ot sira hadau malu kadeira hodi ukun ne’e mak sempre problema bo’ot ne’e.

“Hadau malu kadeira ne’e mak problema bo’ot ne’e”,dehan eis komandante FALINTIL, Kay Rala Xanana Gusmão, iha populasaun sira nia leet, ne’ebé haktuir husi video ne’ebé espalladu iha media sosial Facebook, Tersa (19/5/2020), bainhira nia (Xanana) rona populasaun sira haklalak hodi dehan, “lalika hadau malu kadeira ne’e, hadau malu kadeira ne’e mak problema ne’e”.

Entretantu iha tempu hanesan, deputadu sira husi bankada FRETILIN, PLP, KHUNTO, halo plenária obrigatóriu hodi “obriga matak” de’it Vise Prezidente Parlamentu Nasional (PN), Angelina Sarmento husi PLP no Luis Roberto husi KHUNTO sa’e ba meja oin diriji plenária ne’ebé la hetan autorizasaun husi Prezidente PN, Arão Noe Amaral, rasik, nune’e halo deputadu sira husi CNRT halo asaun kontra hahalok ne’ebé refere, tanba tuir deputadu CNRT katak, plenária obrigatóriu ne’e hanesan asalta poder momoos ba orgaun soberania no kontra ona rejimentu PN artigu 17 ho 22 no mos kontra konstituisaun RDTL artigu 99 alinea 3.

Maske hetan reajen maka’as husi deputadu CNRT sira, tanba halo violasaun barak, maibe Vise PPN nain rua ne’e la interese ba lidera nafatin hodi halo tama tama duni ba votasaun nune’e hili Aniceto Guterres husi FRETILIN ba Prezidente PN ho votu a favor 40 kontra no abstensaun laiha.

Kay Rala Xanana Gusmão, nu’udar pioneiru ka fundadór ba  organizasaun g7+ iha ne’ebé foin dadauk oraganizasaun ne’ebé halibur nasaun frajil sira ne’e hetan rekoñesimentu internasionalmente hodi sai observador permanente iha ONU, ne’e hatete iha nia konferensia ba imprensa dala barak ona katak, iha nasaun ida ukun ne’e se-se de’it bele ukun, maibe ukun tenke hakruk ba lei no konstituisaun. Tanba nia dehan, iha rai bar-barak ukun-an tinan barak ona, maibe monu tama nafatin  ba krizi, tanba la kumpri lei no ordem, implika povu ho povu oho malu no to’o Estadu sai falladu.GMN


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker