GMN TV Capital Xanana rejeita oferta husi Papa tanba krizi iha TL violasaun konstitusional

Xanana rejeita oferta husi Papa tanba krizi iha TL violasaun konstitusional

0 views

Dom Virgílio do Carmo da Silva, SDB  rekoñese Papa Francisco hakarak ajuda atu rezolve krize poítika iha Timor-Leste ne’ebé lidera husi núnsiu Apostóliku iha Díli, Marco Sprizzi,   maibé líder karismátiku Kay Rala Xanana Gusmão, rejeita oferta ne´e tanba konsidera krize iha Timor-Leste (TL) la’os problema individual, maibé violasaun ba konstituisaun.

Lusa fo sai katak Kay Rala Xanana Gusmão, hanensa prezidente CNRT, rejeita oferta ne’e tanba konsidera krize iha Timor-Leste la’os problema individual, maibé violasaun ba konstituisaun. Tanba ne’e, dalan úniku atu rezolve impase polítiku mak eleisaun antesipada.

Maib­­­e iha Domingo ne’e, GMN konfirma ho Arcebispu Metropolitana Díli Dom Virgílio rekoñese iha duni inisiativa hosi Vatikanu hodi ajuda rezolve krize polítika, maibé ladauk simu informasaun kona-ba resposta Xanana Gusmão nian ba inisiativa ne´e.

“Inisiativa ne’e hahú duni, tanba haree situasaun ne’ebé ita moris, inisiativa husi nunsiatura hala’o maibé hetan mós autorizasaun husi amu papa rasik, atu hala’o diálogu ida ne’e, wainhira komunikasaun ho enkaregadu nia dehan hala’o, maibé agora resposta nia seidauk hato’o fila-fali mai ha’u no resposta ne’e la’o to’o ona iha ne’ebé, maibé hanesan ohin dehan katak iha resposta balun negativu, ha’u hanoin nasaun Timor hanesan nasaun ne’ebé liberdade, demokrátiku ita tenki respeita, maibé ne’e hanesan inisiativa ne’ebé propoin nu’udar rai ida ne’ebé maioria katóliku propoin iha posibilidade bele halo diálogu. Iha situasaun hirak ne’e hotu fila fali ba parte sira nia hakruk ba iha konstituisaun ne’e oinsa mak bele lori hamutuk, se responsabel sira dehan dialogu la’os dalan solusiona impase pol­itika, entaun hein katak bele iha dalan seluk bele solusiona problema ida ne’e, tanba situasaun ne’e bele kria nafatin tensaun ida iha povu nia leet” hatete Arcebispu Metropolitana Díli, Dom Virgílio do Carmo da Silva, SDB ba GMN iha Catedral-Dili, Domingu ne’e.

Krize polítika iha Timor-Leste hahú wainhira iha tinan 2017, FRETILIN hamutuk ho PD forma governu minoritáriu no programa governu nian la pasa iha Parlamentu, no ikus mai Prezidente Repúblika disolve Parlamentu no hakat ba eleisaun antesipada.

Krize ida ne´e naruk liutan, wainhira Prezidente Repúblika rejeita fó pose ba membru governu balun ne’ebé VIII governu formadu hosi CNRT, PLP no KHUNTO propoen.

Situasaun ida ne’e provoka tensaun iha koligasaun nian laran, no ikus mai CNRT hodi la fó apoiu ba proposta orsamentu jerál estadu tinan 2020.san


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker