GMN TV Economia CNRT: Proposta OR la’ós karaktér urjénsia no viola tan Lei FP

CNRT: Proposta OR la’ós karaktér urjénsia no viola tan Lei FP

251 views

Deputada bankada CNRT, Fernanda Lay liuhosi audiénsia públika ba proposta Orsamentu Retifikativu (OR), kestiona planu no programa Oitavu Governu ne’ebé aprezenta iha proposta OR ho karaktér urjénsia, tanba husi planu programa hirak ne’e barak liu la’ós urjente liga ho situasaun krize mundiál ne’e.

Deputada komisaun C ne’e mós konsidera, Governu halo violasaun maka’as ba Lei Fundu Petrolíferu (FP), tanba foti osan liuhosi Rendimentu Sustentavel Estamativa (RSE).

“Iha Lei ne’ebé ita altera, Lei Enkuadramentu Orsamental (LEO) ho Lei Fundu Petrolíferu, Parlamentu tenke receber bainhira ita bo’ot sira foti liu RSE, tanba ita foti liu dala rua, ne’ebé nia impaktu tabela ida para garante sustentabilidade fundu nian ne’e, iha ne’ebá deskreve a partir 2023, ida ne’e mak ha’u husu para ita bo’ot kumpri lei ne’e.

“Iha OJE 2022 ita aumenta ona no agora ita aumenta tan ne’e oinsá?, tanba iha 2021 ita aumenta, 2022 aumenta agora retifikativu mós ita aumenta, esplika to’ok nia korelasaun, tanba la tau iha reseitas previzoens ne’ebé ita atu simu,” kestiona deputada opozisaun ne’e, liuhosi audénsia ba proposta OR, entre Komisaun C ho Governu iha PN, Kuarta (04/05/2022).

Hatán ba preokupasaun ne’e, Ministru Finansa (MF), Rui Gomes, garante, sei iha retornu ba orsamentu ne’ebé Governu foti hosi Fundu Petrolíferu.

“Jeralmente ita foti osan nia impaktu ne’e ba oin, la’os ba kotuk, entaun iha anexu A, iha ne’ebé ezemplu iha tabela ne’ebá hatudu, se karik mak ita foti de’it RSE USD 554 milloens, maka nia impaktu ne’e por volta de USD 3 milloens de dolar. Maibé se ita levanta liu RSE, ida ne’e mak nia impaktu ita sei la lakon por volta de USD 57 miloens de dolar” responde governante ne’e.

Iha tinan 2022 ne’e, Governu foti osan biliaun 3,236,103.681, bainhira proposta Orsamentu Retifikativu ne’e aprovadu iha Parlamentu Nasionál. Tanba antes ne’e, iha Orsamentu Jerál Esadu (OJE) 2022 ne’ebé Prezidente Repúblika Francisco Guterres Lú Olo promulga ona hamutuk billiaun USD 2.178.328.791.

Enkuantu programa hamutuk 13 ne’ebé Governu propoin iha proposta Orsamentu Retifikativu ho karaktér urjensia, maske iha programa subsídiu USD 200 ba kada família, maibé maioria programa laiha ligasaun ho situasaun krize ekonómika mundiál ne’ebé dadaun ne’e nasaun hasoru.Say


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker