Prezidente Repúblika (PR) eleitu, José Ramos Horta, Kuarta (17/5/2022), simu delegasaun husi nasaun Angola hodi ko’alia kona-bá relasaun bilaterál entre nasaun rua ne’e iha tempu agora no ba futuru.
José Ramos Horta, simu delegasaun husi nasaun Angola ne’e mai atu partisipa serimónia investidura ba Prezidente Repúblika no komemorasaun tinan 20 Restaurasaun Independénsia.
Hafoin enkontru, PR eleitu, José Ramos Horta, hatete, sorumutu ne’e koalia mos kona ba relasaun bilaterál entre nasaun rua nune’e ba futuru bele servisu hamutuk di’ak liu tan.
“Iha relasaun bilaterais, tantu ita bele halo parte iha organizasaun rejionál, hanesan ASEAN, ou organizasaun boot ida hanesan CPLP, mas kada rai ida mós bele dezenvolve diretamente relasaun bilaterál, no Timor sei buka, la´ós deit iha kontekstu CPLP, tanba kontekstu CPLP la aplika ba realidade geográfika ita nian, tanba rai balu iha CPLP sira laiha liu relasaun ho Ázia,” dehan Ramos Horta, iha Farol, Díli.Nes
