GMN TV Politika Governu rejeita PA husi bankada opozisaun atu redus OR

Governu rejeita PA husi bankada opozisaun atu redus OR

132 views

Governu rejeita Proposta Alterasaun (PA) hamutuk neen, ne’ebé propoin hosi bankada opozisaun sira, tanba pedidu refere atu halo redusaun ba osan hosi proposta Orsamentu Retifikativu (OR) ne’ebé propoin ho montante billiaun USD 1.129.857.250 hodi finansia medida 13.

Primeiru Ministru (PM), Taur Matan Ruak, afirma, Governu sei la simu proposta alterasaun ne’ebé atu ko’a programa Governu nian ne’ebé traxa ona iha proposta refere, tanba Governu nota programa hirak ne’e merese atu implementa iha tinan ne’e.

“Ami la aseita atu ko’a orsamentu, proposta kona-bá integrasaun rejionál, internasionál Timor-Leste nian ne’e ita halo,” afirma Xefe Governu ne’e ba deputadu sira iha diskusaun Orsamentu Retifikativu faze espesialidade, Tersa (10/05/2022).

Xefe Governu ne’e argumenta, la simu Proposta Alterasaun husi bankada opozisaun ne’e tanba, pontu importante haat ne’ebé presiza Governu hadi’ak.

“Ida mak insersaun komunidade internasional nia leet, no defende ita-nia prestíziu hanesan nasaun no povu. Segundu oinsá hametin ita-nia relasaun ho paíz seluk, tantu bilaterál no multilaterál. Terseiru estabelese akordu kooperasaun liu-liu iha área defeza no seguransa, no últimu mak tau matan ba komunidade ita-nia iha diáspora” afirma Taur.

“Reseitas ne’ebé ita simu hosi komunidade diáspora nian, hamutuk USD 121 milloens, sira kontribui ba dezenvovlimentu iha ita-nia rain, kontribui mós ba redusaun pobreza iha ita-nia rain, entaun sira merese hetan ita atu tau matan ka a’e, ba ha’u sim. Tanba ne’e, proposta ida ne’e laiha kabimentu” hatete Taur.

Proponente ba proposta alterasaun hosi númeru 5 to’o 11, Deputada Fernanda Lay husu atu halo redusaun no elimina programa balun ne’ebé ladun prioridade no la nesesáriu atu implementa iha situasaun atuál, hanesan estabelese Sekretária Asuntu Traballadores iha Estranjeiru, internet ba estudante, apoia kultivasaun kafé,  subsídiu USD 200, Uma Kbi’it Laek mais ho kriasuan fundu ba veteranu sira.

“Sekretaria Asuntu Traballadores, tuir ami nia proposta alterasaun ne’e dehan la presiza, tanba lei orgánika laiha. Urjente saida atu tau iha retifikativu, osan (reseitas) ne’ebé hatama ne’e ita hatene desde tinan barak, ita-nia populasaun ba servisu iha rai-liur sira haruka diviza bo’ot tebes tama mai TL, tansa mak hakfodak iha retifikativu ne’e? Nusa la tau iha OJE, depois de kurize tiha orgánika Governu nian, depois de 4 anos governasaun mak ita foin hakfodak? Píor liutan ita iha adidus iha embaixadas hotu, adidu sira halo saida? MNEK halo saida? SEFOPE halo saida? se ita halo tan hanesan ne’e” kestiona Deputada opozisaun ne’e.

Bankada opozisaun konsidera, programa hirak ne’e la’ós urjente, nune’e rekomenda ba Governu atu inklina programa hirak ne’e, iha proposta Orsamentu Jerál Estadu  (OJE) mai, atu bele diskute ho didi’ak, nune’e prevene aprezenta de’it programa ho orsamentu, maibé laiha implementasaun.

Totál proposta alterasaun ne’ebé Parlamentu Nasionál aprezenta, iha diskusaun faze espesialidade ne’e, hamutuk 19, maioria proposta husu atu aumenta orsamentu.

Enkuantu, Orsamentu iha proposta inisiál ne’ebé Governu aprezenta atinje billiaun USD 1.129.857.250, nune’e halo Orsamentu Jerál Estadu ba tinan sa’e to’o billiaun USD 3 liu.

Proposta OJE Retifikativu ne’e, Reseitas Konsolidada Setór Públiku Administrativu sa’e ba USD 3,236.717.481, enkuantu Despezas Konsolidada Setór Públiku Administrativu sa’e ba USD 3,236.103.681, Reseita Órgaun Administrasaun Sentrál, USD 2.989.335.197.Say


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker