GMN TV Politika Governu sei distribui meza-kadeira ba eskola sira iha territóriu nasionál

Governu sei distribui meza-kadeira ba eskola sira iha territóriu nasionál

76 views

Governu liuhosi Ministériu Edukasaun Juventude no Desportu (MEJD), tinan ne’e sei distribui fasilidade hanesan kadeira, meza ba eskola Ensinu Báziku Primeiru Síklu to’o Ensinu Sekundáriu, iha territóriu nasionál.

Ministru Edukasaun Juventude no Desportu (MEJD), Armindo Maia afirma, polítika ne’e atu hatán ba eskola lubuk mak durante ne’e hasoru problema menus fasilidade, nune’e bele fasilita estudante sira tuir prosesu aprendizajem ho di’ak.

“Fulan ida tan hanesan ne’e 20 mil jogus, kadeira ho karteira ne’ebé ke kuandu to’o mai sei distribui ba eskola hotu-hotu,” Armindo Maia hato’o asuntu ne’e, bainhira hala’o vizita Ensinu Bázika sira iha Munisípiu Viqueque, foin lalais.

Kona-bá estatutu professór kontratadu no voluntáriu sira, nia prosesu verifikasaun dadus hala’o tiha ona, maibé ministériu sei reverifika fali, hafoin submete ba Konsellu Ministru atu deside.

“Agora dadaun ami komesa ona reverifika fila-fali, ami haree katak juñu remata, pelo menus iha ona desizaun ruma” tenik Armindo Maia.

Polítika Governu atuál, tinan ne’e kontinua halo konstrusaun no rekonstrusaun ba Ensinu Báziku no Ensinu Sekundária hamutuk 200 iha territóriu nasionál, molok termina mandatu VIII Governu nian.GMN


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker