GMN TV Economia Novembru, hahú konstrusaun ba projetu Pelican Paradise

Novembru, hahú konstrusaun ba projetu Pelican Paradise

694 views

Prezidente no Diretór Pelican Paradise, Datuk Ong Han Nam, hatete, empreza Pelican Paradise dadaun ne’e hala’o hela dezeñu no sei remata iha Fulan-Juñu ne’e, nune’e konstrusaun ba projetu Pelican Paradise sei hahú iha Fulan-Novembru tinan ne’e.

Prezidente no Diretór Pelican Paradise, Datuk Ong Han Nam, hafoin hasoru malu ho Prezidente Repúblika (PR), José Ramos Horta, Kuarta (25/05). FOTO:GMN

Nia afirma, empreza Pelican Paradise tuir lolos asina akordu ho Governu hahú kedas iha tinan 2008, maibé tanba hasoru dezafiu iha prosesu administrasaun, nune’e konsege asina fali iha Fulan-Janeiru 2022.

“To’o ami asina akordu espesiál investimentu iha tinan ne’e 3 Janeiru, komesa 3 Janeiru tinan ne’e ami aselera prosesu hotu-hotu tanba akordu espesiál investimentu asina ona para to’o Fulan-Juñu ne’e ami-nia prosesu dezeñu ne’e hotu ona, no servisu konstrusaun bele hahú iha Fulan-Novembru tinan ne’e” dehan Datuk Ong Han Nam, hafoin hasoru malu ho Prezidente Repúblika (PR), José Ramos Horta, iha Palásiu Prezidensiál, Bairo-Pité, Díli Kuarta (25/05).

Prezidente Repúblika, José Ramos Horta mós enkoraja nafatin na’in ba empreza Pelican Paradise, mesmu prosesu ne’e la’o tempu naruk, maibé labele rende ho prosesu ne’ebé iha, no kontinua halo servisu sira ho lais liu tan.

“Prezidente José Ramos Horta sempre fó korajen uluk kedas to’o agora pasénsia aban bain-rua ba futuru Governu sei suporta dezenvolvimentu ne’e” tenik Datuk Ong Han Nam.

Investimentu ne’e sei okupa rai éktar rihun 556.63, ne’ebé okupa hahú husi Tasi-Tolu to’o Tibar, no investe ho osan millaun USD 700 ba projetu ne’e.

Enkuantu konstrusaun projetu Pelican Paradise ba faze dahuluk sei gasta orsamentu millaun USD 100 hodi konstrui apartamentu, otél, no rezidénsia hamutuk unidade 287 ho andar lima.

Iha faze dahuluk kona-bá área konstrusaun ne’e, sei fó servisu ba Timor-oan hamutuk rihun 1.200, no prioridade liu ba joven sira ne’ebé iha korajen no enérjia foun atu kontinua kontribui ba dezenvolvimentu iha Timor-Leste.Ben


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker