GMN TV Politika PN aprova Projetu-Lei responsabilidade PR iha finál globál

PN aprova Projetu-Lei responsabilidade PR iha finál globál

326 views

Parlamentu Nasionál (PN) Kinta Lejislatura, aprova Projetu-Lei nú 42/V (4ª) kona-bá responsabilidade Prezidente Repúblika (PR) ne’ebé aprezenta hosi bankada Govenu, PLP, FRETILIN no KHUNTO.

Projetu-lei ne’e passa iha plenária ho votu a-favor 35, kontra 24, no abstensaun 0.

Vise Prezidente Parlamentu Nasionál, Maria Angelina Sarmento.

Vise Prezidente Parlamentu Nasionál, Maria Angelina Sarmento, hatete, Projetu Lei ne’e sei haruka ba PR Francisco Guterres Lú Olo atu promulga, antes mandatu remata iha loron 19, fulan-maiu ne’e.

“Votasaun ba lei ida ne’e, envia ba PR, depende ba komisaun A nia relatóriu pareser, envia ohin ou aban, maibé sei iha día 17, 18 ho 19 ba PR atu promulga, sei iha por volta 3 dias,” afirma Vise PN ne’e ba GMN iha resintu PN, Segunda (16/05/2022).

Deputada PLP ne’e esplika, inisiativa hosi Projetu-Lei ne’e atu kompleta de’it lei hirak ne’ebé durante ne’e iha, no konsidera lei ne’e hanesan parte ida reforma ba setór justisa.

“Primeiru ita halo kompleta ita-nia rejime jurídiku sira, ita-nia rejime jurídiku sira iha Timor-Leste iha V lejislatura ne’e, PN ho Governu iha konsensu ida, dedikadu atu halo reforma setór justisa, entaun parte ida hosi reforma setór justisa mak halo fali alterasaun ba lei sira ne’ebé entrada en vigor mais de 10 anos mak kuandu ita haree ladun iha ona relevansia no ladun iha atualizasaun ho mudansa dinámika polítika ohin loron nian, entaun lei sira ne’e sujeita ba alterasaun” dehan lejisladora ne’e.

Iha diskusaun finál globál, Deputada CNRT Carmelita Moniz kestiona karater husi Projetu-Lei ne’e, ne’ebé Parlamentu Nasionál diskute no aprova ho urjente, kompara ho lei seluk ne’ebé tama iha komisaun kleur ona, maibé seidauk diskute.

“Iha istória ne’ebé ha’u hatene, lei ida ne’ebé lalais demais ne’e, ida be ita dehan pecah rekor ne’e mak lei kona-bá kriasaun RAEOA-ZEESM ne’e, ne’e loron tolu de’it diskusaun espesialidade iha komisaun A, ha’u hanoin ne’e mak pecah rekor ona, mas no fim outra lei ne’ebé super pecah rekor, diskusaun espesialidade dentru 3 oras de tempu de’it”

“Alterasaun rejime renumeratóriu kargu polítiku, envia ona relatóriu pareser iha 22 de Juñu 2020, rejime seguransa sosiál kargu polítiku no lei ida ba funsaun publik to’o agora lahatene nia paradeiru” kestiona Deputada Opozisaun ne’e.

Projetu-Lei ne’e aprova iha faze jeneralidade, iha loron 13, fulan-maiu ne’e no kontinua diskute iha faze espesialidade iha nível komisaun A, nune’e iha loron 16 ne’e konsege aprova kedas iha finál globál.Say


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker