GMN TV Politika PR Lú Olo: Tempu ona atu halo revizaun ba K-RDTL

PR Lú Olo: Tempu ona atu halo revizaun ba K-RDTL

345 views

Prezidente Repúblika (PR), Francisco Guterres Lú Olo, hatete, Konstituisaun la’ós bíblia, tanba ne’e bele halo revizaun, bainhira deteta lakuna ruma iha Konstituisaun Repúblika Demokrátiku Timor-Leste (K-RDTL) ne’e rasik.

Xefe Estadu afirma, bele halo revizaun, maibé iha prinsípiu importante balun ne’ebé labele halo mudansa, liu-liu prinsípiu formasaun Estadu Direitu Demokrátiku no prinsípiu separasaun poder sira, tanba Timor-Leste adopta sistema Semi-Prezidensiál ne’ebé órgaun soberanu sira inter-dependénsia ba malu.

“Hanesan ha’u nia diskursu hateten, kuandu atu halo aktu de disolusaun Parlamentu Nasionál, ne’e la’ós poder absolute PR nian, maibe poder ida relativu, poder ida ne’ebé mak tenke hatúr iha Konstituisaun, katak bainhira iha situasaun krize grave institusionál nian, iha ne’e mak PR bele uza nia poder, ne’e para atu halo disolusaun, maibe la’ós poder arbitru ninian, poder livre PR nian, bainhira nia la gosta PN ida ne’e nia dissolve, depois nia harí fali PN seluk, la’ós hanesan ne’e, portantu nia iha Sistema semi-prezidensializmu nia laran.

“Iha lakunas ruma ne’ebé karik nota iha semináriu ida ne’e, deskobre lakunas ruma iha ita-nia Konstituisaun, naturalmente ita-nia Konstituiasaun la’os bíblia be metin hela, iha períodu para atu halo revizaun. Tanba ne’e, liuhosi sorumutu ida ne’e, karik sira detekta, naturalmente órgaun kompetente hanesan Governu ho PN, sira iha kompeténsia rasik, para atu halo revizaun no hadi’ak liu Konstituiasaun”

“Iha revizaun, maibé materia balun iha Konstituisaun mak ita labele bo’ok, forma Repúblika Estadu nian, ne’e ita labele bo’ok, prinsípiu separasaun de poderes ne’e ita labele bo’ok, ida fali tan kona-bá Estadu Emerjénsia ka Estadu Sítiu ne’e ita labele bo’ok, ne’e PN labele halo revizaun, portantu atu halo revizaun ba konstituisaun tenke respeita prinsípiu materiál ne’ebé mak tau iha konstituisaun, ho prinsípiu temporais nian, katak ho tempu ne’ebé mak bele no labele,” dehan PR Lú Olo, ba jornalisa iha Ministériu Finansa, hafoin partisipa iha semináriu nasionál tinan 20 ba K-RDTL, Tersa (17/05/2022).

Kona-bá posiblidade atu muda Sistema Semi-Prezidensiál, Xefe Estadu ne’e hateten, sistema ida ne’e labele atu muda, tanba ida ne’e mak garante separasaun poder iha Estadu Direitu Demokrátiku.

“Semi-prezidensiál nia substánsia mak separasaun de poderes ne’e, para labele iha poder absoluta, talves ida ne’e ha’u hanoin presiza tenke haree katak bele garante separasaun de poderes tenke iha duni” subliña eis Prezidente Asembleia Konstituente ne’e.

Konstituisaun Repúblika Demokrátika Timor-Leste ne’e, aprova hosi membru asembleia konstituente nain 88, no inisia iha loron 15 fulan Setembru tinan 2001 no aprova iha loron 22 fulan-marsu, tinan 2002, no tama iha vigór iha loron 20 fulan-maiu, tinan 2002.Say


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker