Embaixadór Repúblika Indonézia (RI), Okto Dorinus Manik koalia ona ho Xefe Negosiadór Prinsipál Fronteira Marítima no Terrestre, Kay Rala Xanana Gusmão, konkorda diskute uluk fronteira terrestre, hafoin diskute fali fronteira marítima.
Reprezentante Governu Indonézia iha Timor-Leste ne’e hasoru malu ho Xanana Gusmão iha Sesta (13/5/2022), iha Gabinete Fronteira Marítima, Palásiu Governu Díli.
Embaixadór Okto Dorinus Manik, hatete, sira koalia ho Xefe Negosiadór Prinsipál Fronteira Marítima, Kay Rala Xanana Gusmão, hodi haree kona-bá fronteira sira entre nasaun Timor-Leste ho Indonézia, no prioridade ne’ebé rai rua konkorda mak mak koalia uluk tiha lai fronteira terrestre remata tiha mak koalia fali fronteira marítima.
“Ami koalia kona-bá fronteira sira, ne’ebé Xanana ho ami koalia oinsá bele rezolve tiha fronteira sira hanesan fronteira terrestre, tanba bainhira terrestre remata tiha mak foin bele koalia ka diskute fali fronteira marítima,” hatete embaixadór Indonézia, Okto Dorinus Manik.
Alende ne’e, Embaixadór Australia iha TL, William Castello, mós hasoru Xanana Gusmão, hodi koalia kona-bá asuntu kooperasaun entre rai rua ne’e diak liu tan iha futuru.
“Ha’u halo hela enkontru lobuk ida nu’udar parte husi ha’u-nia introdusaun ba nasaun ida ne’e ofisiál Governu no líder partidu polítiku sira hotu. Tanba ne’e, ha’u mos hasoru Maun Bo’ot iha nia kapasidade nu’udar Negosiadór Prinsipál Fronteira sira, no interesante tebes atu troka vizaun kona-bá fronteira marítima ne’ebé ita kompleta ona iha akordu susesu ida iha tinan 2018” katak Embaixadór Austrália, William Castello.Nes
