GMN TV Politika AMP KONSIDERA DESIZAUN PR LÚ OLO LA KONSISTENTE

AMP KONSIDERA DESIZAUN PR LÚ OLO LA KONSISTENTE

0 views

Koligasaun Aliansa Mudansa ba Progresu (AMP), konsidera desizaun Prezidenti Repúblika, Francisco Guterres ‘Lú Olo’, nian la konsistente, bainhira hamos naran membru Governu balun ne’ebé AMP propoin ba membru Governu daualu hodi toma pose iha faze dahuluk nian.

Primeiru Vise Prezidenti Parlamentu Nasional, Maria Angelina Sarmento, hateten, AMP toma konsiderasaun ba desizaun Prezidenti Repúblika nian, ne’ebé uza nia poder konstitusional atu fiskaliza lista membru Governu ne’ebé mak aprezenta husi Primeiru Ministru, Taur Matan Ruak.

Angelina Sarmento hatutan,  tuir  konstituisaun, Prezidenti Repúblika mós iha kna’ar ida atu liga nia poder konstitusional ho orgaun soberanu sira seluk, no Prezidenti Repúblika tenki komunga prinsipiu prezunsaun inusensia, tanba Tribunal seidauk foti desizaun ruma kona ba sira.

“Se Prezidenti Repúblika mantein ho nia pozisaun, ita presiza haree, desizaun ida ne’e koerente ho desizaun Prezidenti Repúblika nia desizaun sira iha VII Goveru ka la’e, tanba iha VII Governu liu ba, Prezidenti Repúblika la kestiona ou la uza nia poder konstitusional atu fiskaliza kandidatu sira ne’ebé mak nomeadu husi Primeiru Ministru VII Governu nian,” katak Maria Angelina Sarmento, ba jornalista sira iha PN, Segunda (25/06).

Nia hatutan, tuir konstituisaun, Prezidenti Repúblika mós iha kna’ar prerogative atu liga nia poder konstitusional ho orgaun soberanu sira seluk.

“Maibé ita mós tenki kaer ba konstituisaun artigu 34, ne’ebé hateten katak, arguidu hotu ne’ebé mak iha prosesu laran, tenki konsidera sira hanesan prezunsaun inusensia, bainhira Tribunal seidauk foti desizaun ruma,” katak nia.

Prezidenti Repúblika tenki komunga prinsipiu prezunsaun inusensia, tanba Tribunal seidauk foti desizaun ruma kona ba sira. Nia haktuir, orgaun soberanu hat iha Estadu Timor Leste ne’e, hatur mós separasaun poderes, maske iha interdependensia ba malu, maibé kada instituisaun soberanu ida, iha ninia limitasaun atu halo intervensaun ba kada orgaun soberanu ida-ida.

Nia haktuir, iha VII Governu ne’e, Ministru balun públiku mós hatene katak, sira iha hela prosesu nia laran, no presta ona deklarasaun iha instituisaun relevantes kona ba kazu balun, maibé Prezidenti kontinua fó pose ba sira.

“Agora ita hakarak haree, Prezidenti Repúblika ne’e, konsistente ka la’e, se ida uluk sira nia kazu ne’e la’o ona iha Tribunal no Ministériu Publiku, mas Prezidenti la importa kestaun ida ne’e no fó posse ba sira, maibé tanbasa mak iha Governasaun ida ne’e Prezidenti Repúblika halo ida ne’e,” katak Angelina.

Tanba ne’e, Angelina dehan, AMP kestiona Prezidenti Repúblika nia aktu ida ne’e, no AMP dadaun ne’e toma hela pozisaun atu responde Prezidenti Repúblika nia desizaun ida ne’e.

“Ami mós manda ona karta ba Prezidenti Repúblika atu haree asuntu ida ne’e, para Prezidenti Repúblika bele hatur nia aan hanesan Prezidenti Repúblika ba ema hotu, hodi haketak tiha Prezidenti Repúblika nia koor partidária, atu bele hala’o Prezidenti Repúblika nia kna’ar konstitusional ho imparsial no independenti,” relata Angelina.cos


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker