GMN TV Politika AMP lamenta ho terminasaun data primeiru reuniaun V lejislatura

AMP lamenta ho terminasaun data primeiru reuniaun V lejislatura

0 views

Parlamentu Nasional (PN), deside ona loron 13 fulan Juñu, nu’udar data ofisial ba hala’o primeira sesaun abertura V lejislatura, maibé lideransa Koligasaun partidária, Aliansa Mudansa ba Progresu (AMP), lamenta ho desizaun ne’e, tanba konsidera Prezidenti Parlamentu Nasional (PPN) dada tempu liu.

Lideransa AMP, Arão Noe, konsidera, data ne’ebé fiksa ona ba primeiru reuniaun V lejislatura Parlamentu Nasional ne’e, sei atraza mós formasaun VIII Governu.

“Ohin fiksa ona ba loron 13 fulan ida ne’e, maibé tuir lolos ne’e ami la kokorda, tanba ita dada tempu bebeik, mas komu ho razaun ne’ebé Prezidenti Parlamentu aprezenta katak, hanesan ne’e para ita halo preparasaun sira ho diak, no preparasaun ba lista kandidatura ba meja Parlamentu Nasional ba V lejislatura nian, no ami konkorda atu bele hahú V lejislatura ne’e iha loron 13,” informa Arão Noe, ba jornalista sira iha PN, hafoin enkontru lider bankada Kuarta (06/06).

Arão Noe hateten, enkontru lider bankada PN ne’e, enkontru ba dala ikus IV lejislatura nian atu prepara ajenda ba primeira plenária V lejislatura nian.

Nia esplika, AMP nia preokupasaun mak Orsamentu duodésimu ba makina Estadu, li-liu saláriu Funsionáriu Públika sira no ekonómia povu nian.

Maibé Arão Noe dehan, informasaun husi Primeiru Ministru VII Governu nian katak, Orsamentu ne’ebé mak iha, sei bele kobre to’o fulan Jullu.

“Ami nia preokupasaun mak, oinsa bele asegura sustentabilidade nasaun ne’e nian, kona ba finansiamentu duodésima ba funsionamentu orgaun Estadu sira, tanba se orgaun Estadu sira ne’e la funsiona, maka sei fó impaktu bo’ot ba estabilidade rai laran,” katak Arão Noe.

Alende ne’e, Arão mós esklarese, opsaun kona ba lai out plenária, V lejislatura nian, iha eskenáriu rua ne’ebé mak aprezenta husi bankada sira hotu.

“Eskenáriu permanente hodi forma bankada sira nia fatin iha plenária laran mak hanesan, FRETILIN iha sorin, bankada PD no FDD iha klaran, CNRT, PLP no KHUNTO iha sorin,” relata Arão Noe.

Nia haktuir, lai out plenária V lejislatura nian ne’e, sei realiza iha loron 13 fulan Juñu, bainhira hahú primeiru reuniaun V lejislatura nian.

Arão Noe mós esplika katak, lider bankada sira iha PN konkorda hotu atu AMP hari bankada tolu (3) iha PN, tanba rejimentu Parlamentu Nasional rasik mós fó dalan.

“Rejimentu Parlamentu Nasional artigu 11 hateten, bankada ou koligasaun sira bele rekere atu forma bankada ketak-ketak. Depois artigu 15 lei eleitoral mós ko’alia kona ba oinsa halo substituisaun ba partidu sira ne’ebé hetan asentu iha Parlamentar,” relata Arão.

Nia afirma, iha konstituisaun RDTL mós laiha artigu ida atu bandu kona ba forma bankada iha Parlamentu Nasional.

“Tanba ne’e mak ami kumpri saida mak lei fó dalan, AMP bankada ketak-ketak, FDD bankada ida, hanesan mós FRETILIN ho PD,” tenik Arão Noe.

Nune’e mós, Prezidenti Parlamentu Nasional, Aniceto Guterres, hateten, reuniaun lider bankada ne’e, atu deside loron ba primeiru reuniaun V lejislatura.

“Reuniaun entre bankada atu halo preparasaun ba primeiru reuniaun V lejislatura ne’ebé marka tiha on aba loron 12 Juñu,” informa Aniceto.

Alende ne’e, Aniceto  mós esklarese katak, kona ba AMP forma bankada tolu iha PN ne’e, la kontra lei ka rejimentu PN.

“Rejimentu fó dalan atu forma bankada, prontu tenki mantein, se ida ne’e inkonstitusional ka illegal karik, se mak kestiona ba tribunal,” dehan Aniceto.cos


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker