GMN TV Politika Antes hahú VIII Governu, Governante KHUNTO sei jura iha Ramelau

Antes hahú VIII Governu, Governante KHUNTO sei jura iha Ramelau

0 views

Molok membru VIII Governu hahú mandatu, kandidatu husi partidu KHUNTO, tenke ba halo juramentu iha foho Ramelau, hafoin bele hahú knaar, hateten konselleiru másimu partidu KHUNTO, José dos Santos Naimori Bukar ba GMN iha nia rezidensia surikmas Dili, Sesta (08/06/2018).

 Líder másimu partidu Kmanek Haburas Unidade Nasional Timor Oan (KHUNTO) ne’e afirma, hanesan partidu foun ne’ebé foin atu envolve-an iha governu, liu hosi forma koligasaun Aliansa Mudansa ba Progresu (AMP), ho meius juramentu ba foho lulik ne’e, atu bele prevene hahalok naok no bosok, hodi servi povu ho neon moos no laran moos.

Polítiku ne’e informa, molok realiza serimonia juramentu ne’e, Partidu KHUNTO sei konvida entidades relevante sira hotu, inklui líder másimu igreza Katólika iha Timor-Leste, no media hotu, nune’e sai sasin ba prosesu no kompromisu tomak husi membru governu hirak ne’e.

“Bainhira forma tiha VIII Governu, husi partidu KHUNTO prepara ona atu ba juramentu iha Ramelau, nune’e mós ami sei fo konvite ba media sira hotu, ba ita nia Bispu nain tolu, inklui Primeiru Ministru no Prezidente Repúblika rasik, no orgaun soberanu hat ami sei fo konvite hotu, atu bele lori membru governu sira husi Partidu KHUNTO nian, atu bele ba juramentu iha Ramelau, atu dedika hodi servi povu ho loloos iha tinan lima nia laran,”esplika Naimori.

Konaba kandidatu membru VIII Governu husi Partidu Congresso Nacional de Recontrução Timorense (CNRT) no Partido Libertação Popular (PLP), líder partidu KHUNTO ne’e dehan, depende ba líder másimu partidu rua nian, Maun bo’ot Kay Rala Xanana Gusmão no Taur Matan Ruak nia interese hodi oferese nia intelektual ba juramentu.

Maibe nia parte seidauk konfirma ho líder nain 2 ne’e rasik, tanba okupadu ho formasaun Governu.

“Depende de’it husi ita-nia maun Taur ho Maun Xanana, tanba partidu tolu mak hamutuk, ita hotu-hotu hanoin di’ak, maun nain rua mós fo apoiu, tanba hanoin di’ak ba povu no nasaun, seidauk konfirma, tanba foin eleisaun hotu, deskansa, depois sei haree oinsa para bele prepara ba reuniaun membru Parlamentu foun iha dia 13 ne’e, inklui prepara mós ba VIII Governu, maibe ami sei ko’alia, konaba KHUNTO nia loos ona, no sira prontu hotu ona, tanba antes ne’e ha’u hateten nanis ona, semak hakarak kaer pasta iha Governu tenke ba halo juramentu,”dehan konselleiru KHUNTO ne’e.

José Naimori relata tan, ema ne’ebé atu lori ba halo juramentu mak, ho kargu Ministru, Vise Ministru, Sekretariu Estadu, inklui Xefi Gabinete sira.Say

 


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker