GMN TV Politika Arão Noe eleitu ba PPN ho pakote úniku ■Fidelis: Xanana-Taur renunsia normal

Arão Noe eleitu ba PPN ho pakote úniku ■Fidelis: Xanana-Taur renunsia normal

0 views

Deputadu bankada CNRT, Arão Noe, eleitu ba Prezidente Parlamentu Nasional (PPN) V lejislatura ba tinan lima mai ho pakote úniku ne’ebé avansa husi Aliansa Mudansa ba Progresu (AMP) ne’ebé kompostu husi bankada CNRT, PLP no mos KHUNTO.

Deputadu Arão Noe assume kargu PPN hodi subtitui Prezidente PN IV lejislatura husi FRETILIN, Aniceto Guterres, ho votu a favor 36, kontra 29, no absteinsaun 0, husi deputadu 65, ne’ebé AMP mai ho deputadu 34, FRETILIN 23, Partidu Demokratiku  5, no Frente Dezenvolvimentu Demokratiku nain 3.

“Kandidatu úniku deputadu Arão Noe Amaral mak eleitu ba Prezidente Parlamentu Nasional ba V lejislatura,”dehan Prezidente PN IV lejislatura, Aniceto Guterres.

Nune’e iha nia diskursu, Prezidente Parlamentu Nasional V lejislatura, Arão Noe, romete sei kumpri de’it knár ne’ebé hatúr ona iha konstituisaun RDTL no Rejimentu Parlamentu Nasionál.

“Durante hala’o hau nia knár hanesan PPN, hau sei hala’o de’it no kumpri de’it knár sira ne’ebé konsagra ona iha konstituisaun RDTL, leis no rejimentu Parlamentu Nasionál nian, ho firmeza hodi servi deputadu sira no povu tomak Timor-Leste tomak,”Arão Noe kompromete.

Eis Xefi bankada ne’e mós afirma tan, prioridade ba parlamentu agora mak, aprova programa VIII governu, aporva Orsamentu Jeral Estadu tinan 2018, hodi nune’e estadu Timor-Leste bele moris ho orsamentu anual hodi assegura dezenvolvimentu no estabilidade estadu no sai husi rejime dua decimal ne’ebé la’o ona durante fulan 6 nia laran no revê lejislasaun sira ne’ebé relevante.

Arão Noe hateten, deputadu hotu iha Parlamentu iha interesse hanesan, maske iha diferensa polítika entre koligasaun no opozisaun, tanba ne’e Prezidente eleitu ne’e husu deputadu V lejislatura atu haluha tiha diverjensia polítika ne’ebé iha durante kampaña eleitoral, hodi hala’o de’it knár atu halo lei, fizkalizasaun no foti desizaun polítika ne’ebé define ona iha konstituisaun RDTL.

“Knár hirak la fasil, maibe mós ladifisil, se ita tau interesse nasional ás liu, ita hotu fiar Parlamentu bele hala’o knár ida ne’e ho di’ak no seguru hodi bene finefisia interesse nasional,”katak Noe.

Aleinde nee, Prezidente eleitu mós hato’o apresiasaun ba povu tomak ne’ebé nafatin kontribui ba Paz No e stabilisasi, liuhosi dedikasaun Seguransa nasional PNTL No F-FDTL ne’ebe konsege garante prosesu tomak ba EA.

“Partisipasaun eleitores mós ás tebes kompara ho eleisaun normal sira, ne’e hautud katak ita nia povu ne’e iha maturidade polítika ida ás, hodi hala’o prosesu demokrátiku di’ak tebes iha nasaun doben ida ne’e, hein katak ita na’in 65 ne’ebé iha ne’e, bele fo liman ba malu ba interesse no banati tuir saída mak povu hatudu durante porsesu eleisaun antesipada ida ne’e,”dehan Arão.

Nune’e mós Prezidente sesante iha nia mensajen ikus hateten, deputadu V lejislatura presija halo reflesaun ba mandatu ne’ebé IV lejislatura ultrapassa ona.

Iha sesaun debate, deputadu sira husi FRETILIN preokupadu los, tamba Prezidente ALiansa Mudansa ba Progresu, Kay Rala Xanana Gusmão no Portavoz AMP, Taur Matan Ruak, la marka prezensa iha primeira reuniaun V lejislatura nian.

“Ami respeita tebes lider nain rua husi CNRT no PLP ne’ebé foti desizaun renunsia husi mandate ne’ebé povu fo, maibe ne’e hanesan la respeita orgaun ida ne’e,”dehan deputadu FRETILIN, Francisco Branco.

Xanana-Taur renunsia ne’e normal

Deputadu bankada PLP, Fidelis Magalhães, deklara, primeira sesaun abertura V lejislatura, Prezidenti  Aliansa Mudansa ba Progresu (AMP), Kay Rala Xanana Gusmão ho portavoz AMP, Taur Matan Ruak, la marka prezensa iha Parlamentu Nasional ne’e normal no la’os buat foun iha vida nasaun demokratika, tamba subtitui ona husi deputadu nain rua mak hanesan Sabino Soares ‘Guntur’ subtitui Prezidente PLP, Taur Matan Ruak, no Oscar de Araújo subtitui Prezidente CNRT, Kay Rala Xanana Gusmão.

“Sabino Soares ‘Guntur’ mak subtitui Taur Matan Ruak no Oscar de Araújo mak subtitui Kay Rala Xanana Gusmão. Prezidente PLP iha tinan kotuk mos renunsia husi mandatu, ne’ebé la’os buat foun ida,”informa Fidelis ba jornalista sira iha Parlamentu Nasional,hodi responde ba preokupasaun bankada FRETILIN nian ne’ebé tuir nia la pertinente.say/cos


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker