GMN TV Politika Deputadu IV lejislatura tenki entrega kareta ba PN

Deputadu IV lejislatura tenki entrega kareta ba PN

0 views

Prezidente Parlamentu Nasionál (PPN), Aniceto Guterres Lopes, hatete, deputadu sira IV lejislatura obrigatoriu tenki entrega patrimóniu Parlamentu Nasional (PN) nian, hanesan kareta Prado ba sekretariadu Parlamentu Nasionál (PN) bainhira mandatu remata.

Prezidente Parlamentu Nasionál (PPN), Aniceto Guterres Lopes hatete ba jornalista sira, iha PN, Kinta (07/06/2018), bainhira husu kona-ba paradeiru kareta deputadu IV lejislatura ne’ebé to’o agora deputadu balun seidauk hatama ba Estadu.

Tuir líder orgaun lejislador ne’e, eis deputadu sira III lejislatura ne’ebé seidauk entrega kareta prado ba PN ne’e la’os nia kulpa, tanba problema hahú kedas iha mandatu III lejislatura hafoin konsellu administrasaun PN deside fo leilaun, maibe tenta atu kansela.

“Kareta ne’e agora sei iha deputadu sira-nia liman, klaru deputadu sira iha obrigasaun atu entrega, maibe seidauk entrega ne’e, la’os problema ha’u nian, tanba problema ne’e mai kedas husi III lejislatura, tanba konsellu deside fo leilaun, derepenti última da hora hela de’it loron hira, Prezidente Parlamentu anterior la kumpri desizaun konsellu administrasaun, nia rasik kansela hotu, depois husik hela problema ne’e mai IV lejislatura, tanba eis deputadu III lejislatura ne’ebé la re-eleitu ne’e, kareta sira hela nafatin ho ida-idak nian,”esplika Aniceto Guterres Lopes.

Antes ne’e, Xefi bankada CNRT, Arão Noe, hateten, bankada CNRT hein hela karta husi sekretariadu Parlamentu nian, hodi rekolla kareta husi deputadu sira, nune’e nia parte bele aviza ba nia deputadu sira hodi entrega ba PN.

Alende ne’e, vise xefi bankada PD, Luis Mendes mós relata, nia parte entrega ona kareta ba PN, maske seidauk hetan karta ruma husi sekretariadu, tanba mandatu atu remata ona.

Kona-ba dadus husi eis deputadu III lejislatura ne’ebé seiduak entrega kareta Prado, antes, eis sekretariu jeral PN, Mateus Belo relata, kuaze eis deputadu 20 mak seidauk entrega kareta ba PN.

Kona-ba dadus atual, deputadu IV lejislatura no III lejislatura ne’e seidauk entrega kareta Prado ba PN, GMN tenta konfirma ho sekretariu jeral foun PN, Adelino Afonso de Jesus, maibe nia parte lakohi fo komentariu.Say

 


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker