GMN TV Politika DEPUTADU V LEJISLATURA SEI GOJA KARETA FOUN

DEPUTADU V LEJISLATURA SEI GOJA KARETA FOUN

0 views

Prezidenti Parlamentu Nasional (PPN), Arão Noe, hateten, PN sei sosa kareta foun hodi fasilita deputadu V lejislatura sira-nia servisu.

Arão Noe esplika, PN hanesan segundu orgaun soberania Estadu Timor Leste nian, tanba ne’e presiza transporte ba deputadu sira atu hala’o sira-nia kna’ar ba mandate tinan lima.

“Ida ne’e mak problema ida ne’ebe ami kolia Sekretáriu Estadu aprezenta mós para oinsa buka solusaun ba rezolve transporte, hodi diknifika segundu orgaun soberania Estadu ida ne’e ninian, tanba ne’e mak ami sei buka solusaun para bele rezolve iha tempu badak,” katak Arão Noe ba jornalista sira iha PN, Tersa (19/06).

Arão dehan, nia sei  lori  asuntu ne’e ba iha Konsellu Administrasaun PN, tanba tuir lei, Konsellu Administrasaun mak tenki aprova.

“Prezidenti Parlamentu lori ba reuniaun, Konsellu Administrasaun desidi no ezekuta. Orsamentu atu sosa kareta foun ba deputadu sira ne’e aprova tiha ona iha 2017 fim do ano, no agora dadauk orsamentu laiha, iha kontratu ida uluk suspende tiha ona, tenki halo orsamentu foun mak bele halo akijisaun foun, labele uza orsamentu anterior hodi halo akijisaun,” informa Arão Noe.

Nia afirma, primeiru lugar ne’e tenki iha transporte, maibé kona ba transporte foun ka tuan, halai ba desizaun Konsellu Administrasaun Parlamentu nian.

Alende ne’e, Arão Noe, esklarese, PN laiha plenária tanba prosesu sei la’o hela, tenki hein submisaun.

“Atu halo ajenda tenki iha reuniaun husi lider bankada, no ha’u tenki hatene uluk se-se mak Xefi bankada, no Vise Xefi kada bankada,”katak Arão Noe.

Iha tempu mandate deputadu IV lejislatura nian, deputadu sira husi III lejislatura aprova orsamentu hodi sosa kareta foun ba sira utiliza, maibe la konsege tamba hetan protesta husi sosiedade sivil, no estudante, ho rajaun tamba povu sei moris susar hela, maibe deputadu sira goza diak los ho povu nia osan. Tamba ne’e, deputadu balu “senti-an” hatama fali kareta ne’e ba Estadu, maibe balun to’o agora la hatama.cos


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker