GMN TV Politika EUA KONTINUA SERVISU HAMUTUK HO VIII GOVERNU

EUA KONTINUA SERVISU HAMUTUK HO VIII GOVERNU

0 views

Embaixadora Estados Unidos América (EUA)  iha Timor Leste Kathleen  Fizpatrick,  hatete, EUA sei kontinua servisu hamutuk ho VIII Governu , hodi kontninua implementa programa EUA nian iha Timor-Leste.

“Ami iha programa ativu divulgasaun ba publiku, iha ne’ebé iha mos programa espesial ba foin sa’e sira. Programa interkambiu ba foin sa’e sira, tanba foin sa’e sira mak futuru ba nasaun ne’e sira sei lori hikas fali nasaun ne’e iha tinan barak mai, ba ida ne’ebé mak hanesan ami-nia esperansa katak futuru ida ne’ebé nakonu ho prosperiedadi no nabilan.

“Ami mos kontinua buka dalan atu bele servisu hamutuk ho Guvernu foun ne’e ho Primeiru Ministru, Taur Matan Ruak, no kontinua kooperasaun ne’ebé mak ami ho Timor Leste iha ona desde Timor Leste nia independensia,”dehan Embaixadora EUA ba Timor Leste ne’e ba Jornalista sira Sesta (29/06/2018), iha Edifisiu USAID Farol, Dili.

Nia akresenta, EUA ativamente suporta prosesu demokrasia hotu iha instituisaun sira iha Timor Leste, hanesan mos apoia ba diversifikasaun ekonomia no desenvolvimentu, suporta objetivu ne’ebé mak Timor Leste monta ona antes ne’e no haree Timor Leste nu’udar parseiru no amigu ba EUA.

Iha fatin hanesan, Adjuntu Asistente Sekretariu Relasaun Publiku  no Relasaun Diplomasia husi Ministeriu Negosiu Estranjeiru EUA, Walter Douglas, realsa, apresia ho buat hotu ne’ebé Timor Leste halo, ne’ebé sai ezemplu ba nasaun seluk liu-liu nasuan sira iha Asia.

“Nasaun Timor Leste halo duni iha buat balun ne’ebé mak admiravel tebes, hahú husi imi-nia demokrasia vibrante, ne’ebé mak valor tebes iha ne’e prosesu konsiliasaun ho Australia ne’ebé mak ita foin haree  lalais ne’e, no mos sai uma nain ba buat seluk, ne’e duni lori Governu EUA nian hakarak apresia ba buat ne’ebé mak imi-nia nasaun halo,”sublina Walter. Oly


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker