GMN TV Politika FRETILIN tristi VIII Governu seidauk ezisti, Xanana Gusmão: Depois de tomada de posse AMP indizita PM

FRETILIN tristi VIII Governu seidauk ezisti, Xanana Gusmão: Depois de tomada de posse AMP indizita PM

0 views

Prezidente Aliansa Maioria ba Progresu (AMP)  Kay Rala Xanana Gusmão hateten katak, hafoin tomada de posse deputadu V lejislatura maka indizita Primeiro Minsitro (PM) ba VIII Governu konstitusional.

Prezidente AMP ne’e akresenta, depois de toma pose maka sei iha definisaun klaru kona-bá atividade PN V lejislatura ninian, husi ne’e maka AMP sei indizita naran ba Primeiru Ministru (PM) mai PR no sei iha konsulta ho PR, husi ne’e maka sei koalia kona-bá estrutura Governu no loron tomada de posse.

“Ami koalia kona-bá bainhira maka PN V lejislatura tomada pose, tanba tuir konstituisaun, depois de públikasaun rezultadu EA 15 dias ate 15 dias no máximo parlamentu tomada de posse. Depois de ida ne’e bainhira maka Governu toma pose, ne’e maka ami hotu hein hela, portantu PR no ami rasik hein hela, tanba kuandu koalia AMP, deputadu sira mós sei ba tuur iha ne’ebá, mas iha kalendariu polítiku temi katak depois de pose PN para nova lejislatura ne’e, tanba Governu mai husi ne’ebá, katak sei iha maioria sempre Governu, sé mai husi partidu balun de’it mós Governu mai husi PN,” haktuir Xanana Gusmão, ba jornalista sira hafoin hamutuk ho estrutura hasoru malu ho Prezidente Repúblika (PR) Francisco Guterres Lú Olo, iha Palasiu Prezidensial Nicolau Lobato, Segunda-feira (04/06/2018).

FRETILIN tristi VIII Governu seidauk ezisti

Maske nune’e Sekretariu Jeral Partidu FRETILIN, nu’udar mos, Primeiru Ministru (PM), Mari Alkatiri, informa, nia senti tristi, tanba to’o agora VIII Governu konstitusional seidauk ezisti, hodi hala’o prosesu dezenvolvimentu.

“Ha’u tristi tebes tanba VIII Governu nunka mais mai, ha’u nia deklarasaun maka ida ne’e de’it, tanba ha’u la gosta servisu ida hein ba hein ne’e, ha’u la gosta hein, entaun sira mai la-lais ona para ha’u bele kontenti uitoan,” afirma Mari Alakatiri.

Tuir Mari Alkatiri, sé VIII Governu ezisti tarde, bele fó impaktu ba ekonómia, polítika no povu nia vida rasik.

“Ha’u fó korazen ba sira para mai la-lais ona, ha’u hakarak sira mai ona. Uluk ha’u kuandu demora forma Governu, sira dehan ha’u inkapasidade no buat sira ne’e hotu, entaun ha’u hakarak sira la’o la-lais uitoan, tanba sira iha kapasidade,” enkoraza Sekretariu Jeral FRETILIN ba partidu koligasaun Aliansa Mudansa ba Progresu (AMP).

Entretantu iha loron segunda horseik Prezidente Republika halo enkontru ho partidu polítiku no koligasaun partidaria lima (5) ne’ebé hetan asentu iha PN sira ne’e ho intensaun atu halo konsulta hodi rona sira-nia opiniaun kona-bá formasaun VIII Governu konstitusional.ves

 


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker