GMN TV Politika HAMETIN RELASAUN BILATERAL, EMBAIXADOR 6 ENTREGA KREDENSIAL BA PR

HAMETIN RELASAUN BILATERAL, EMBAIXADOR 6 ENTREGA KREDENSIAL BA PR

0 views

Ministru Negosiu Estranjeiru no Kooperasaun (MNEK), Aurelio Guterres, deklara, atu reforsa relasaun bilateral entre nasaun seluk ho Timor-Leste (TL), Kinta (21/6), Prezidente Repúblika (PR), Francisco Guterres ‘Lú Olo’ simu kredensial husi nasaun Russia, Thailandia, Malta, Georgia, Myanmar no Norwegia.

“Ohin (horiseik-red) ita nia PR simu karta kredensiais husi Embaixador nasaun 6, primeiru husi Embaixador Thailandia mai TL, iha enkontru ne’e aborda oinsa atu kontinua reforsa kooperasaun, liu-liu iha área agrikultura, edukasaun no saúde. Tuir fali embaixador husi Georgia mai ho interese atu kontinua servisu hamutuk ho TL, ba oin sei buka oinsa maka bele estabelese kooperasaun iha área balun. Embaixadora husi Rusia mai entrega kredensiais atu buka explora kooperasaun liu-liu iha área petrolífera, mina no gas no mós iha seitor área edukasaun no formasaun,” MNEK ba jornalista sira hafoin remata partisipa serimonia nasaun 6 entrega krendensial ba PR Lú Olo, iha Palasiu Prezidensial, Bairo Píte, Díli, Kinta (21-06-2018).

Nia akresenta, tuir fali PR simu karta kredensial husi embaixadora Myanmar, mezmu seidauk iha akordu kooperasaun liu-liu iha área téknikas, maibé TL nia relasaun ho Myanmar la’o diak no Myanmar mós prontu atu fó apoiu TL iha prosesu adesaun ba ASEAN.

“Embaixador ne’ebé aprezenta kredensial ba dala 5 husi Norwegia ninian, dau-daun ne’e Norwegia nia apoiu estabelese sistema ne’ebé agora ita uza fundu petrolíferu no Norwegia sei kontinua apoiu nafatin iha kooperasaun ne’ebé que ita hakarak reforsa nafatin. Ikus liu maka Embaixador Ordem de Malta ne’ebé que mai entrega kredensiais, Malta hakarak reforsa liu-liu kooperasaun ne’ebé la’o hela iha área saúde no edukasaun ninian,” haktuir Aurelio Guterres.

Iha Timor-Leste ezisti embaixada rezidente no naun rezidente, nune’e entre nasaun 6 ne’ebé entrega kredensial ba PR Lú Olo, nasaun Thailandia no Malta mak ninia rezidente iha TL.

Entretantu nasaun sira ne’ebé maka ninia rezidente iha TL maka hanesan Brazil, Uniaun Europeia, Estadus Unidus Amerika, Indonesia, Thailandia, Malaysia, Filipina, Malta no Cuba.ves


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker