GMN TV Politika KOLIGASAUN FDD SAI BANGKADA TOLU

KOLIGASAUN FDD SAI BANGKADA TOLU

Partidu  Koligasaun  Frenti Dezenvolvimentu Demokrasia  (FDD) ne’ebe  kompostu husi  partidu  UDT,PUDD, FRENTE MUDANSA, no PDN,  Segunda  ne’e  deklara  ba publiku  katak, koligasaun  FDD disolve ona no fahe  bankada  ida-idak iha Parlamentu Nasional.

Prezidente Komisaun Politika Nasional  FDD,  Agustinho  Gomes dehan, razaun  FDD disolve  hodi fahe  bankada  iha Parlamentu Nasional  ,tamba  membru Parlamentu Nasional husi  UDT ho FRENTE Mudansa la koarente, la konsistente, la tuir etika, la obedese ba regras  partidu  nian, hodi  foti  desizaun  ida ne’ebe laos partidu  nian.

Prezidente Komisaun Politika Nasional  FDD husu ba reprezentante  partidu  iha Parlamentu Nasional  bele  hala’o politika rasik no forma rasik  ida-idak nia bankada, atu labele  reprezenta  FDD iha Parlamentu Nasional.

Agustinho Gomes  hatutan dinamika ne’e  mosu, tamba partidu balun liu-liu UDT ho FRENTE Mudansa la koarente  la konsistente ho postura  politika nebe  mak  ami deside  hodi hatur  iha estatuto FDD nian ,sira la tuir etika  partidu nian ,la obedese ba regras  partidu nian, hodi hakat liu fali  ba desizaun nebe  mak  laos partidu nian.

“FDD hare’e  katak, polemika ne’e tenki hotu  ,FDD lakohi  gasta nia tempu no energia para atu ba trata asuntu ida ne’e ,tamba ne’e FDD to’o iha konkluzaun ida  katak, tenki dissolve ba  partidu 4  ne’ebe  tama iha koligasaun FDD”,  desklara Prezidente Komisaun Politika Nasional iha konferensia  imprensa iha sede FDD Fomentu Dili.

Hafoin dissolve  koligasaun FDD  Agustinho Gomes, husu ba UDT, FRENTE Mudansa,no PUDD  nebe  hanesan ninia representante  iha PN bele hala’o politika  sira  nian ,maibe  labele lori ona FDD nia naran.

“Ho membrus  politika nasional  tomak  ho unaminidade  dissolve ona koligasaun  partidu FDD ho nune’e partidu sira  nebe uluk iha  FDD hanesan  UDT, FRENTE Mudansa,no PUDD  nebe  hanesan ninia representante  iha PN bele hala’o politika  sira  nian ,maibe  labele lori ona FDD nia naran. Sira bele halo  politika no sira bele forma sira  nia bankada rasik hodi partidu nia naran ,maibe  dala ida tan labele representa  ona FDD” realsa Agustinho Gomes.

Iha oportunidade nee Konseleiru FDD  apela ba militantes  no simpatizantes partidu  PUDD ,UDT,FRENTE Mudansa, no PDN katak, desizaun  ne’e  foti  hafoin  reniaun  Komisaun Politika Nasional  FDD  nian hodi dissolve tiha  koligasaun  ida ne’e.

“Ami deside  ona  atu dissolve tiha  koligasaun  ida ne’e. Razaun  mak ita hotu hatene katak, koligasaun  ne’e mai husi partidu 4 no koligasaun ne’e halo bazeia ba estatuto ,nia postura  politika  rasik ,nia ideolojia politika  nebe klaru tebes. Depois de FDD hatur nia membru  nain 3  iha Parlamentu Nasional  ,hanesan ita hotu hare katak, dinamika foun  mosu iha Parlamentu Nasional ,dinamika ne’e sai polemika iha publiku  no publiku barak preukupa tebes”, hatete Prezidente Komisaun Politika Nasional  FDD .tos


Banner

Foto

Notisia Ikus

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...

LH kestiona PN la envolve sosiedade sivíl iha diskusaun lei EOJF

July 31, 2021
Koordenadór La’o Hamutuk (LH), Celestino Gusm...

Governu aplika KO iha Ermera

July 31, 2021
Governu aplika ona Konfinamentu Obrigatóriu (KO...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker