GMN TV Politika LIDERANSA AMP BRIEFING MEMBRU VIII GOVERNU ■ GOVERNANTE SERVISU “ARBIRU” SEI SUBTITUI

LIDERANSA AMP BRIEFING MEMBRU VIII GOVERNU ■ GOVERNANTE SERVISU “ARBIRU” SEI SUBTITUI

2 views

Prezidenti koligasaun Aliansa Mudansa ba Progresu (AMP), Kay Rala Xanana Gusmão ho portavoz AMP, Taur Matan Ruak no mos Konselleiru másimu Partidu KHUNTO, José Naimori, fobriefing ba kandidatu membru VIII Governu.

Reuniaun ne’e hala’o iha Hotel The Ramelau, Tersa (19/6/18), ho objetivu ba preparasaun kaer ukun durante tinan lima nia laran.

Prezidenti Parlamentu Nasional (PPN), Arão Noe hateten, membru VIII Governu ne’ebé sei hala’o servisu ba povu no nasaun tenki hatudu prestasaun servisu ne’ebé lolos, selae mak sei troka urjenti iha dalan klaran.

Dadaun ne’e koligasaun Aliansa Mudansa ba Progresu (AMP), aprezenta ona lista membru VIII Governu ba Prezidenti Repúblika, Francisco Guterres ‘Lú-Olo’ hodi apresia. No hein deit iha tempu badak PR sei fo pose ba membru Governu hirak ne’e.

Prezidenti Parlamentu Nasional (PPN), Arão Noe hateten, membru Governu hirak ne’e mai husi partidu tolu ne’ebé harii AMP hanesan, CNRT, PLP no KHUNTO. Maibé bainhira prestasaun servisu membru VIII Governu nian ladiak iha publiku nia matan, lideransa másimu sira husi AMP sei halo substituisaun urjenti.

“Nomeasaun ne’e, nomeasaun polítika, haree ba lideransa másimu sira ninia konfiansa, nomeasaun ezekuta depois mak ita haree, se labele entaun bele halo substituisaun, tanba buat ne’e prosesu normal, la’os nia tuir exame mak manan depois ba iha ne’eba, nia mandatu tinan lima, ne’ebé tenke kumpri to’o tinan lima, mas iha nomeasaun polítika, no konfiansa polítika ne’e, bele iha momentu ida lideransa sira lakon konfiansa polítika, bele hasai ne’e buat prosesu normal demokrasia,”katak Arão Noe ba jornalista sira iha PN, Tersa (19/06).

Arão Noe relata, AMP  aprezenta ona estrutura VII Governu ba Prezidenti Repúblika iha semana kotuk, maibe kabé ba Prezidenti  Repúblika  nia kompetensia atu liga Primeiru Ministru indezitadu para atu forma Governu.

“Ha’u lahatene atu Governu ida mai agora ne’e númeru hira, ha’u seidauk bele anunsia, tanba ida ne’e kompetensia partidu ne’ebé mais votadu,” katak Arão Noe.

Alende ne’e, Arão Noe rezeita katak, estrutura VIII Governu ne’ebé dadaun ne’e ema tau ona iha media social ne’e lalos.

“Lista iha media social  ne’e la’os lista ofisial, hau atu dehan katak, ida ne’e lalos, estrutura ne’ebe atu fó sai, ofisialmente husi lideransa máximu AMP nian,” relata Arão Noe.cos


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker