GMN TV Politika PD louva PR nia esforsu durante ne’e

PD louva PR nia esforsu durante ne’e

0 views

Prezidente Partidu Demokratiku (PD), Mariano Assanami Sabino hateten, Partidu Demokratiku (PD) sempre fó apoia no louva esforsu tomak husi Prezidenti Repúblika (PR), Francisco Guterres Lú Olo nian durante ne’e. 

“Ohin ami hasoru Prezidenti Repúblika tuir konstituisaun haruka, ami hato’o ba Prezidenti, no Prezidenti mós hato’o objetivu enkontru ida ne’e i partidu sira ne’ebé maka AMP ho FRETILIN ne’ebé mak ohin dader hasoru ona Prezidenti. Entaun PD nia pozisaun mak ida ne’e, firme apoia i louva nafatin Prezidenti Repúblika nia esforsu durante ne’e i firme fó apoiu ba mandatu Prezidenti nian tuir konstituisaun haruka,”hateten Mariano Assanami Sabino ba jornalista sira hafoin ho estrutura PD hasoru malu ho Prezidenti Repúblika Francisco Guterres Lú Olo iha Palásiu Prezidensiál Bairo Pite Díli ne’ebé koalia kona ba formasaun VIII governu konstituisionál, Segunda (4/6).

Iha okaziaun ne’e Prezidenti Partidu Demokrátiku Mariano Assanami Sabino mós agradese no apresia tebes ho servisu média sira hotu ne’ebé durante ne’e haburas no hametin ona demokrasia iha prosesu kampaña to’o ohin loron.

“Boa tarde ba média sira hotu, agradese ba média hotu, liu-liu ho família Partidu Demokrátiku hakarak apresia ba esforsu média tomak durante ne’e, liu-liu atu haburas no hametin ita nia demokrasia durante kampaña, kampaña remata no to’o ohin loron,”Assanami hato’o nia apresiasaun.

Assanami mós argumenta katak, média merese hetan apresisaun, tanba média mak klamar ba demokrasia.

“Ne’e papél ne’ebé mak ba PD apresia teb-tebes ba imi hotu nia esforsu, PD sempre koalia katak média maka klamar ba demokrasia,”Assanami hatutan.ías

 


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker