GMN TV Politika Planu AMP fahe bankada 3, TR seidauk bele fó opiniaun antesipada

Planu AMP fahe bankada 3, TR seidauk bele fó opiniaun antesipada

0 views

Prezidente Tribunal Rekursu (TR), Deolindo dos Santos, deklara, dau-daun ne’e TR seidauk bele fó opiniaun antesipada kona-bá planu koligasaun Aliansa Mudansa ba Progresu (AMP), ne’ebé atu koloka bankada tolu (3) iha Parlamentu Nasional (PN).

“Na verdade bainhira sira lori lista ba TR, relasiona ho Eleisaun Antesipada (EA) ne’ebé akontese iha 12 de Maio 2018, sira ba ho koligasaun ida naran AMP no EA hotu tiha ninia rezultadu sai maka hanesan ne’e. Agora kuandu bainhira sira atu avansa ba PN, ne’e desizaun ida ne’ebé sira bele halo iha koligasaun nia laran no iha PN, ne’ebé por-simplesmente ha’u seidauk bele hateten ba ita boot sira no ba públiku dehan viola konstituisaun ou viola lei, tanba ne’e kestaun balun ne’ebé TR presiza rezerva, labele fó opiniaun antesipadamente kona-bá kestaun balun ne’ebé sei la’o hela,” Prezidente TR ba jornalista sira hafoin remata enkontru ho Prezidente Repúblika (PR), Francisco Guterres ‘Lú Olo’, iha Palasiu Prezidensial, Bairo Píte, Díli, Segunda (11-06-2018).

Nia informa, to’o agora iha TR laiha prosesu ruma kona-bá atu estabelese bankada iha PN ne’e hira no partidu hira maka sei ezisti iha PN.

“Ha’u bele hateten ba ita boot sira katak ate agora laiha prosesu ruma kona-bá atu bankada iha PN ne’e atu hira, atu sé-sé, ne’e seidauk iha prosesu ruma iha TR no saida maka TR halo maka ne’e bainhira proklama rezultadu EA, koligasaun sira ne’ebé maka hetan kadeira iha PN,” haktuir Deolindo dos Santos.

Nia akresenta mós katak, desizaun ne’e iha partidu hirak ne’ebé hetan kadeira iha PN no PR ninia desizaun, tanba ne’e kestaun ida ne’ebé kompetensia ne’e orgaun sira seluk nian, la’os kompetensia TR ninian.

“Agora desizaun ida ne’e iha partidu sira ne’ebé hetan kadeira iha PN no mós PR atu haree kestaun ida ne’e, tanba ne’e kestaun ida que mais kompetensia orgaun sira seluk nian ne’ebé la’os kompetensia TR nian no ate agora seidauk iha prosesu ruma iha TR koalia kona-bá kestaun ne’ebé públiku sira koalia,” relata Prezidente TR ne’e.

Entretantu antes ne’e TR proklama ona rezultadu EA katak koligasaun AMP manan absoluta ho kadeira 34, partidu FRETILIN 23, PD kadeira 5 no koligasaun FDD kadeira 3.

Antes ne’e mós, Prezidente Komisaun Jurisdisaun AMP, Arão Noe, deklara, AMP sei avansa ho bankada tolu (3) hanesan CNRT, PLP no KHUNTO iha PN.ves


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker