GMN TV Politika PN APROVA MEMBRU 10 BA KONSELLU ADMINISTRASAUN PARLAMENTAR

PN APROVA MEMBRU 10 BA KONSELLU ADMINISTRASAUN PARLAMENTAR

0 views

Parlamentu Nasionál (PN) V lejislatura deside no aprova ona deputadu nain 10 sai membru ba Konsellu Administrasaun Parlamentar (KAP) ba mandatu tinan 2018-2023.

Membru nain konsellu administrasaun parlamentar nain 10 ne’e, kompostu husi suplente nain 5 no efetivus nain 5, passa ho votus afavor 38, kontra 3 no abstensaun 22, liuhosi votu sekretu ne’ebé hala’o iha plenaria Tersa (26/06/2018) ne’e.

Iha sesaun plenaria ne’e, deputadu husi bankada Fretilin, Antonino Bianco sente peokupa, tanba la inklina deputadu husi koligasaun partidária, Frente Dezenvolvimentu Demokrátiku (FDD) nian.

Tanba ne’e, nia parte mós sujere ba bloku koligasaun AMP ne’ebé inklina nia reprezentante kada partidu, atu reduz membru balun, hodi fo oportunidade no inklina mós deputadu balun husi FDD nian.

“Imi-nian ne’e redus tiha ida, hau konsidera AMP tenke iha nain hira de’it, selae hanesan seluk ne’e AMP mak domina tiha, depois konsellu amdministrasaun ne’e imi atu domina para desijaun ne’e tuir imi nia votus de’it, ne’e labele, tanba konsellu administrasaun ne’e atu oriente ou prezidente akonsella para kualker desizaun ne’e, halo jestaun ba rekursu no sasán sira iha laran, la’os tuir imi nia hakarak de’it, tanba ne’e, hau defende oituan ba FDD nia reprezentante tenke iha laran, AMP tenke reduz nia elementu, 5 ne’e imi nia mak domina, desizaun iha ne’e mós imi naran halo de’it ona, satán iha konsellu administrasaun, ami seila akonsella imi, tanba iha ne’e de’it mós akonsella imi lahetan ona, ba tan konsellu administrasaun imi hotu de’it, tanba ne’e 5 pessoas ne’e deliberasaun ida bele aumenta,”sujere Deputadu Antonino Bianco.

Hatan ba sujestaun hirak ne’e, Prezidente Parlamentu Nasionál (PPN), Arão Noe de Jesus Amaral, argumenta, númeru ba membru konsellu administrasaun bazeia ba lei lofap, no regras ne’ebé utiliza nanis ona desde lejislatura sira anterior bainhira mosu bankada liu hosi lima nune’e la konsege inklina FDD.

“Iha lei lofap mak másimu nain 5 ne’e, se forum konkorda ita ba fali opsaun seluk ba fali aprezentasaun lista kandidatura husi kandidatura mak aprezenta mai, nain 5, depois mak ba vota, ida ne’ebé mak eleitu, nia mak ba reprezenta, hanoin ida ne’e mak ita lakoi, se hamosu fali ida ne’e it abele komplika fali situasaun reprezentavidiade husi maioria ne’e laiha tiha, tanba opsaun ida ne’e ita uja bebeik ona durante komesa husi II lejislatura to’o mai III no IV lejislatura, iha IV lejislatura sorte bankada 5 de’it, ne’ebé bele inklina hotu, ne’ebé ita laiha problema, maibe agora bankada liuhosi 5,”klarifika Arão Noe.

Nune’e mós, deputadu bankada PUDD, Antonio de Sá Benevides, afirma, iha lei lofap hateten iha duni númeru limitadu ne’ebé hatur nanis ona, maibe lasignifika tenke husi partidu bo’ot nia reprezentante de’it mak bele inklina, bele mós inklina husi partidu ki’ik sira nia reprezentante iha Parlamentu Nasionál.Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker