GMN TV Politika PN aprova projetu deliberasaun komisaun verifikasaun

PN aprova projetu deliberasaun komisaun verifikasaun

0 views

Primeira sesaun abertura V lejislatura Parlamentu Nasional, aprova ona projetu deliberasaun V lejislatura ba membru komisaun verifikasaun.

Membru komisaun verifikasaun ne’e, kompostu husi deputadu sanulu resin hitu mak hanesan, bankada AMP sia (9), FRETILIN lima, (5) bankada PD rua (2) no FDD ida (1).

Antes atu aprova projetu deliberasaun ne’e, FRETILIN kestiona maka’as proposta deliberasaun ne’e, tanba bankada AMP eziste iha komisaun verifikasaun ne’e ho partidu tolu.

Deputadu Antoninho Bianco, husi bankada FRETILIN hateten, proposta deliberasaun ne’e inkostitusional, tanba kontra konstituisaun RDTL.

“Ha’u dehan projetu ne’e inkonstitusional tanba, rejimentu la bo’ot liu konstituisaun. Iha konstituisaun artigu 70 hateten, partidu polítikus no direitu ba pozisaun. Ida ne’e signifika, partidu  ka koligasaun ida konkore hodi povu hili, entaun partidu ka koligasaun ne’e duni. Hanesan povu hili AMP, la’os povu hili KHUNTO, CNRT ka PLP, nune’e mós husi FDD, povu la hili partidu ida-ida, maibé hili koligasaun FDD,” dehan Antoninho Bianco iha plenária PN, Kuarta (13/06).

Tanba ne’e, Antoninho ezije ba meja Parlamentu Nasional atu bazeia ba buat ne’ebé hili ona, la’os tama to’o Parlamentu Nasional mak kria fali partidu ketak-ketak.

“Tanba ne’e, ha’u hanoin projetu deliberasaun ne’e laiha fatin, mesmu konferensia lider bankadas nian ne’e mós sala, tanba bankada iha Parlamentu Nasional mós seidauk harii,” lamenta Antoninho Bianco.

Hatan ba preokupasaun ne’e, deputadu CNRT, Arão Noe esklarese, projetu deliberasaun ne’e, la’os  mai husi bankada AMP de’it, maibé iha ona konsensus no aprova ona iha konferensia lider bankada hotu iha Parlamentu Nasional.

“Bazeia ba rekomendasaun sira ne’e mak hamosu proposta ida ne’e, hodi hamosu númeru ida FRETILIN ema na’in 5, CNRT 4, PLP 3, KHUNTO 2, PD 2 no FDD. Ida ne’e mak konsensu ida husi konferensia lider bankada sira iha momentu ne’eba,” relata Arão Noe.

Nia hatutan, konsensu konferensia lider bankada mak sai baze ba AMP hodi aprezenta projetu deliberasaun ne’e iha plenária atu hetan aprovasaun.

Maske projetu deliberasaun ne’e konsege hamosu des-intenmentu iha sala plenária Parlamentu Nasional, maibé deputadu sira aprova ona ho votus a favor 60, kontra 0 no abstensaun 5.cos


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker