GMN TV Politika PN ENSERA SEMINÁRIU AKOLLAMENTU DEPUTADU FOUN

PN ENSERA SEMINÁRIU AKOLLAMENTU DEPUTADU FOUN

0 views

Parlamentu Nasionál (PN) termina ona nia semináriu akollamentu ba deputadu foun V lejislatura ne’ebé hala’o durante loron tolu hahú husi loron 27 to’o 29 fulan Juñu ne’e.

Objetivu husi semináriu ne’e, oinsa fo koñesimentu konaba mandatu no servisu nu’udar lejislsador iha Parlamentu Nasionál, ho orador ne’ebé diferente.

Iha sesaun enseramentu ne’e, orador sira esplika liu matéria ho tema abertura sesoens administrasaun Parlamentar no aprezentasaun estrutura orgânica sekretariadu jeral Parlamentar nian, inklui konaba Planu estéjiku Parlamentu Nasionál ba tinan 2017 to’o 2022 nian.

Iha sesaun  ba dala ikus ne’e, adjuntu sektretariu Parlamentu Nasionál, João Rui Amaral, nu’udar orador ba semináriu dala ikus ne’e aprezenta, konaba mudansa lei balun ne’ebé relasiona ho funsionamentu PN nian.

“Iha ita-nia lei orgánika ne’ebé mak ko’alia konaba organizasaun no funsionamentu Parlamentar, iha artigu segundu, mak ko’alia konaba prinsipiu administrasaun nian, ne’e ita koa’lia konaba servisu sira ne’ebé mak ligadu ho funsionariu sira Parlamentu nian,”katak adjuntu sekretariu jeral.

Alende ne’e, João Rui, mós esplika konaba prosedimentu ne’ebé ligadu ho asistensia ba deputadu sira nian, durante mandatu, inklui administrasaun ba deputadu sira nian.

“Nesesidade ne’ebé mak deputadu sira iha, normalmente kanaliza liu hosi sekretariu jeral, para depois sira bele atende saida mak ita bo’ot (Deputadu) sira atu halo,”dehan João Rui.

“Ita presiza iha esterutura orgánika ida, hodi bele fahe servisu, atu nune’e servisu parlamentares bele atinji ho efikasia no efisensia, durante lejislatura ba dala lima ona, iha lejislatura tolu ba kotuk, Parlamentu ida ne’e konsege halo reformas balun, hanesan lei lofap, nú 12/2008, 24 de Dezembru, iha 2017 mós ita halo revizaun fila fali ba lei orgánika ida ne’e, atu akomoda necessidade lubun ida ne’ebé mak surjiu, iha Parlamentu ida ne’e, hodi hamosu fali lei ho nú 12/2017 24 de Maio, ”esplika João Rui.

Alende ne’e, adjuntu sekretariu jeral ne’e mós esplika liutan, konaba dirasaun no departamentu sira ne’ebé ejiste iha sekretariadu Parlamentar nia okos, inklui prosedimentu oinsa atu atende deputadus sira nia nnesesidade durante servisu em termus administrasaun no konaba asistensia saúde ba deputadu sira, inklui oinsa fo rekoñesimentu ba deputadu sira ne’ebé hala’o knár atinji mandatu no lakonsege atinji mandatu tinan lima.

João Rui afirma mós oinsa atende deputadu ruma, bainhira destinu to’o hodi fila hikas ba mundu seluk, no família hanesan oan, laen ka fen no mós inan no aman.

Orador ba semináriu akollamentu deputadu ba loron tolu ne’e, eis Prezidente PN, Vicente Guterres, eis deputada Fernanda Borges, Eis Prezidente GMPTL deputada Josefa Soares, representante IRI, Eis Deputada Jacinta Abu cau inklui Adjuntu sekretariu jeral Parlamentu Nasionál.Say


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker