Parlamentu Nasional (PN), sei aselera prosesu autorizasaun hodi aprova vizita Prezidenti Repúblika, Francisco Guterres ‘Lú Olo’ nian ba Republik Indonesia (RI).
Tuir ajenda, Prezidenti Repúblika, Francisco Guterres ‘Lú-Olo’ sei desloka ba nasaun viziñu Indonesia iha loron 27 fulan ne’e.
“Ami hakarak aselera aprovasaun autorizasaun ba Prezidenti Repúblika nia deslokasaun ba Indonesia, para nune’e bele fasilita kona ba preparasaun troka poder internasaun rua, atu nune’e bele preparadu diak liu tan,” informa Arão Noe ba jornalista sira iha PN, Tersa (19/06).
Nia haktuir, aprovasaun ba autorizasaun deslokasaun ba Prezidenti Repúblika nian ne’e, sei hala’o iha tempu badak.
Vizita Prezidenti Repúblika, Francisco Guterres ‘Lú-Olo’ ba Indonesia ne’e, alende atu hametin relasaun entre nasaun rua, sei ko’alia mós asuntu fronteira entre Timor Leste ho Indonesia.
Kona ba akordu ratifikasaun tasi Timor entre Timor Leste ho Australia, Arão Noe, dehan, ida ne’e seidauk bele adianta, tanba Governu seidauk konstitui.
“Agora kabe ba polítika VIII Governu sei forma ona, depois sira sei lori mai aprezenta iha Parlamentu, ami sei konsidera ida ne’e sai hanesan prioridade, mas por em quanto seidauk iha, projetu atu ratifika ne’e aprezenta mai iha Parlamentu,” afirma nia.cos
