GMN TV Politika PR Lú Olo rekoñese mak AMP ■ AMP insiste ho bankada 3 iha PN

PR Lú Olo rekoñese mak AMP ■ AMP insiste ho bankada 3 iha PN

0 views

Prezidente Repúblika (PR), Francisco Guterres ‘Lú Olo’, rekoñese,  maka koligasaun partidaria Aliansa Mudansa ba Progresu (AMP) ne’ebé kompostu husi CNRT, PLP no KHUNTO ne’ebé manan maioria absoluta iha Eleisaun Antesipada (EA). Maibe AMP deklara ona katak, sira insiste ho bankada tolu (3) iha PN tamba lei mos fo dalan.

“Horiseik (horibainrua-red) iha Palasiu Prezidente, Xanana Gusmão hanesan prezidente AMP koalia kona-bá sira atu fahe bankada tolu (3), maibé ha’u dehan ne’e kestaun ita boot sira nian, maibé tuir PR hatene maka ita boot sira ba rejistu hanesan AMP no kuandu rezultadu fó sai mós TR hateten dehan AMP maka manan,” PR ba jornalista sira hafoin trata pasaporte elektróniku, iha Diresaun Nasional Rejistu no Notariadu, Bebora, Díli, Tersa (05-06-2018).

Xefi Estadu ne’e akresenta, simplesmente PR hatene de’it maka partidu koligasaun AMP maka sai hanesan partidu mais votadu iha EA.

“Portantu PR simplesmente hatene de’it maka ida ne’e no husu para ita boot sira kuandu indizita PM, indizita PM husi AMP no iha momentu ne’e Xanana Gusmão hatan,” hateten PR Lú Olo.

Nia esplika, iha enkontru ho partidu polítiku no partidu koligasaun PR seidauk impoin buat ida ba AMP, simplesmente PR kumpri de’it knaar tuir konstituisaun katak PR maka sei nomeia PM ne’ebé indizita husi partidu mais votadu no aliansa do partido mais votadu nian, ho maioria parlamentar nian.

“Ami-nia enkontru horiseik (horibainrua-red) ne’e koalia kona-bá formasaun Governu no futuru VIII Governu ninian no koalia fila-fali kona-bá V lejislatura PN ne’ebé sei hahú halo tomada de pose ou primeira plenaria iha dia 13 ka 14 fulan ida ne’e e nesta altura prontu, ne’e probabelmente, porbabelemente não, só a partir de ida ne’e maka AMP sei indizita Primeiru Ministru (PM) ba PR para atu bele halo formasaun VIII Governu,” haktuir PR Timor-Leste ne’e.

Entretantu tuir lei PR sei nomeia PM no PM sei aprezenta mós lista membru Governu, PR sei haree tuir konstituisaun katak membru Governu ne’ebé atu mai ne’e nain hira, sé-sé maka tama, husi ne’e PR sei koalia mós ho PM kona-bá membru Governu ne’ebé PR nomeia liu husi dekretu ona.

Antes ne’e prezidente Komisaun Jurisdisaun AMP Arão Noe, informa ba públiku katak, AMP sei avansa ba V lejislatura Parlamentu Nasional ho bankada tolu (3) hanesan bankada CNRT, PLP no KHUNTO. Tamba lei mos fo dalan atu harii bankada ketak-ketak iha PN.ves


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker