Prezidenti Repúblika, Francisco Guterres Lú Olo sei partisipa iha enkontru anual Organizasaun Nações Unidas(ONU) iha fulan Setembru.
Ministru Negosius Estranjeiru no Kooperasaun, Aurelio Guterres hato’o asuntu ne’e hafoin enkontru semanal ho Prezidenti Repúblika Francisco Guterres Lú Olo, iha Palacio Prezidensial bairu Pite Díli, Kuarta(13/6).
“No preparasaun Prezidenti Repúblika iha fulan Setembru atu partisipa enkontru anual ne’ebé hala’o iha Nações Unidas, ne’ebe PR sei halo intervensaun no sei hala’o enkontru lubuk ida a nivel bilateral no sei partisipa iha diskusaun entre xefi estadu sira iha Nova Yorque.”hateten Ministru Negosius Estranjeiru no Kooperasaun, Aurelio Guterres ba jornalista sira.
Iha okaziaun ne’e Aurélio Guterres mós hateten, iha fulan Junho loron 27 too 29, Prezidenti Repúblika mós sei hala’o vizita ba indonesia no iha fulan Julho PR sei partisipa iha simeira CPLP iha Vabo-Verde tinan ne’e.
“Enkontru ho PR ne’e atu hato’o konaba preparasaun ba vizita xefi estadu ba Indonesia iha semana ida mai, fulan oin ba Portugal nomos xefi estadu mos sei partisipa iha simeira CPLP iha sidade praia Cabo-verde. Ho Indonesia alen de koalia asuntu atu hametin relasaun entre estadu rua, sei koalia espesifikamente konaba ita nia fronteira terrestre ne’ebe mak atu hotu ona, nomos asuntu seluk tan ligasaun ho programa balun, inklui mos reabilitasaun no konstrusaun ponte mota ain no ingaurasaun ponte mota masin ne’ebe pronto tiha ona”Aurélio hatutan.ías
