Vise Ministra Finansas no Ministra Finansas em Ezersísisu, Sara Lobo Brites, hatete Ezekusaun Orsamentu Jerál Estadu tinan 2019 la’o neneik liu, tanba to’o iha fulan Maiu nee ezekusaun foin porsentu 31, husi ezekusaun ne’e sei menus liu iha kapitál Menor no transferensia públikas.
Governante nee esplika Ministra Finansas halo akompañamentu ba ezekusaun OJE 2019 la’o neneik liu ne’e laos impaktu husi membru Governu ne’ebé seidauk kompleta, tamba ministériu hotu iha ninia estrutura.
“Ministeriu ida-idak mak ezekuta sira nia orsamentu ,ami halo akompañamentu ,ezekusaun orsamentu ladun aseleira ,mas ita komprende katak,projektu kapitais ne’e lori tempu ,hau foin haree hela dadus ,kapital meñor mak menus los mas ida ne’e hau haree iha hotu ,tamba ezekusaun ita koalia faze 3 kompromisiu, obrigasões ,depois pagamentu. Iha faze obrigasões zere ministeriu sira tama ona ho kontratu, balun komesa ona halo ona nia kompromisiu para halo duni prosesu ne’ebé ezekusaun sei diak no sei to’o iha tempu, transferensia públikas mós tun, maibé ita iha pagamentu 2 maka akontese iha fulan ne’e nia laran hanesan halo pagamentu ba ferik katuas ,ho bolsa da mãe ne’e ita selu tinan ida dala 2 ne’e mós bele aumenta ba ezekusaun”, dehan Vise Ministra Finansas no Ministra Finansas em Ezersísisu Sara Lobo Brite, Ssesta (31-05), iha Palasiu Governu.
Sara Lobo Brites, dehan ba ministeriu hirak ne’ebé mak seidauk iha ministru, diretór jeral no diretor finansas sira bele hala’o nia kna’ar hodi implementa sira nia orsamentu.
“Hau la haree ida ne’e, tamba ministeriu hotu-hotu iha ninia estrutura iha diretor jeral sira, iha diretor finansas sira ne’ebé mak hala’o nia kna’ar hodi implementa sira nia orsamentu los duni falta ministru balun iha ministeriu ne’e fo impaktu, mais ezekusaun laos tamba ida ne’e”, dehan Vise Ministra.
Orsamentu Jerál Estadu Tinan 2019 ne’ebé aprova iha Parlamentu Nasional hamutuk Billaun USD 1.4 .tos
