GMN TV Politika Angela Freitas: PR Lú Olo estuda to’o gagal

Angela Freitas: PR Lú Olo estuda to’o gagal

0 views

Prezidente Partidu Trabalhista, Angela Freitas, konsidera Prezidente Repúblika (PR), Francisco Guterres Lú Olo, estuda polítika rai-laran hodi solusiona to’o gagal de’it, tanba viola viola Konstituisaun Repúblika Demokrátika Timor-Leste no viola direitu fundamental povu nian.

Asuntu ne’e Angela Freitas hato’o liuhosi konferensia ba imprensa, iha sede Traballista, Bairro Formoza, Kinta (4/6/2020).

Angela hateten, desizaun ba situasaun polítika atual la serteza, inklui Tribunal rasik envolve konflitu de interesse,  tanba ne’e la fó serteza ka desizaun ne’ebé loos ba públiku.

Ho nune’e, nia parte mós kondena maka’as aktu polítiku sira ne’ebé hadau malu kadeira iha Parlamentu Nasionál nu’udar asaltu de poder ho violasaun rejimentu.

“Ita haburas tan inserteza ida ne’e iha povu nia leet, mudansa formasaun Governu mos ita haree katak inkonstitusional, tanba iha momentu ne’ebé xumba orsamentu ne’e Governu mos monu ona. Ita forma mak Nono Governu konstitusional, e nono Governu konstitusional mos tuir los tenke koligasaun foun, maibe Prezidente da Repúblika (Lú Olo) la hasai desizaun, sei estuda lai, estuda to’o gagal. Estuda to’o kria tan problema, tanba ne’e Partidu Trabalhista kondena maka’as aktus Prezidente da Repúblika, tanba saida mak akontese iha ita nia rai ne’e aktus krime hasoru nasaun, krime hasoru povu. Tanba Prezidente Repúblika hanesan Xefe Estadu tuir lolos nia rasik mak tenke solusiobna problema rai-laran, maibe lori tinan rua resin tama to’o tinan tolu ona ita nia situasaun la konsege solusiona, e pior liu tan mak fó dalanb ba grupu ne’ebé mak ilegalmente atu forma Governu iha situasaun impase ne’ebé mak rezulta nasaun ne’e paralizadu, ekonomia la la’o”,dehan  Angela Freitas.

Alende ne’e, líder partidu Trabalhista ne’e mós husu Primeiru Ministru Taur Matan Ruak atu ko’alia ho Líder nasionál sira seluk liu-liu líder karismátiku, Kay Rala Xanana Gusmão, Major Jeneral Lere Anan Timur no seluktan atu hadi’ak governasaun ba oin, nune’e bele husik hela presedente ne’ebé mak di’ak ba jerasaun foun sira.

Antes ne’e, liu hosi diskursu, xefe Estadu Francisco Guterres Lú Olo deklara ona katak, VIII Governu nafatin iha lejitimidade atu kontinua to’o mandatu termina tanba apoia maioria iha Parlamentu Nasionál ho konjuntura polítika foun entre FRETILIN, PLP ho KHUNTO.

Maske nune’e, VIII governu ne’e hahoris hosi rezultadu koligasaun Aliansa Maioria Parlamentár entre partidu CNRT, PLP ho KHUNTO iha eleisaun antesipada tinan 2018,  maibe nakfera iha parlamentu nasionál bainhira Orsamentu Jerál Estadu tinan 2020 la passa tanba CNRT ne’ebé hola parte iha governu da-ualu vota abstensaun ba orsamentu refere, nune’e Primeiru Ministru, Taur Matan Ruak hatete, CNRT baku mate tiha ona AMP no Xefe Governu Taur hakoi tiha ona, maibe la kleur de’it VIII Governu moris fali hodi kontinua to’o ohin loron. Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker