Primeiru Ministru, Taur Matan Ruak, akompaña husi membru oitavu Governu, fó posse ba Prezidenti Autoridade RAEOA foun, Arsenio Bano.
“Ha’u fó parabéns no saudasaun espesiál, bo’ot ba doutor José Luis Gutteres, nia asumi kna’ar iha momentu kontribui polítika iha ita nia rai, la’os deit ida ne’e maibé, ho COVID-19 ne’ebé mosu iha ita nia rai, afeita populasuan sira, nia halo esforsu bo’ot ida forma nia ekipa, maibé infelismente nomeia mandatu termina,” dehan, Xefi Governu, iha nia diskursu bainhira fó posse ba Arsenio Bano, iha Palásiu Governu, Sesta (12/06/2020).
Xefi Governu hatutan, rekursu finanseira ne’ebé nesesariu iha Oe-cusse, tamba ne’e tenki tau atensaun ba Oe-cusse, tamba Oe-cusse simu rekursu finanseiru bo’ot liu, munisipiu sira hotu.
“Ha’u iha previlejiu ne’e ba dala tolu ha’u fó posse ba, Prezidenti RAEOA ba dala uluk ba Mari Alkatiri, bainhira ha’u sei Prezidenti Repúblika, daruak ba José Luis Guterres, no tuir Arsenio Paixão Bano, ha’u espera PM labele fó tan, posse dala ida ba Prezidente RAEOA, ne’e ha’u nia pedidu, ida ne’e termina nia mandatu,” afirma,PM Taur Matan Ruak.
Primeiru Minsitru ne’e subliña liutan, Oe-cusse la’os espesial populasaun mak espesial, tamba ne’e Governu hotu hahu esforsu tau rekursu humanu ne’ebé iha, hanesan Xefi Governu nia pedidu uza oportunidade ida ne’e dezenvolve Oe-cusse, tamba Oe-cusse ne’e situasuan defisil kompara ho fatin seluk, problema kiak, analfabetismu, mall nutrisaun, ne’e ás maibé povu ne’e jenerozu.
kontinua akompaña nafatin Prezidenti Autoridade sira nia esforsu, dedikasaun no ha’u husu Oecusse oan atu fó apoiu, laos iha ibun maibé iha hahalok, tamba iha Oecsse laiha ema ida mak boot liu maibé hotu-hotu atoni, no Timoroan deit.
“Prezidenti RAEOA, sira hotu iha ita boot nia liman, ita boot mak kondutor, kareta soke ne’e responsabilidade ita boot nia, ami apoiu deit, ita boot ho ekipa mak determinante, imi tenki hamutuk, iha ne’eba laiha CNRT, PLP,FRETILIN no KHUNTO, iha ne’eba ida deit atoni”afirma, Taur.
Iha fatin hanesan, prezidente RAEOA, Arsenio Paixão Bano, kompremetidu sei la hamonu mensajen Primeiru Ministru, hodi asegura Oitavu Governu atu hala’o dezenvolvimentu iha Oe-cusse.
“Ha’u sente triste tamba Doutor Mari Alkatiri iha ne’e, nia iha karik bele kolaia barak kona-ba, saida mak akontese iha Oe-cusse, tamba obra ne’ebé akontese iha RAEOA, ideia barak liu mai husi doutór Mari Alkatiri, ha’u mos triste tamba, doutór José Luis iha ne’e karik husu nia hanoin saida mak atu halo hodi Oe-cusse sai diak,” haktuir, Arsenio.
Arsenio hatutan, sei halo esforsu tomak deseiju ne’ebé TL hakarak ba Oe-cusse, sai diak ha’u sei la hamonu PM nia mensajen, hodi asegura oitavu Governu bele halao dezenvolvimentu iha Oecusse.
“Todan tebes simu knaar ida ne’e, tamba hanesan Oe-cusse oan sai prezidente autoridade dahuluk, tamba ne’e sei esforsu-an, ha’u apelu ba Oe-cusse oan sira, kalma ita sei servisu hamutuk atu lori ita nia rai sai exemplu, ha’u promete 95% ha’u nia tempu sei hela iha RAEOA, hodi haree Inan Aman sira nia susar ne’e oinsa,” afirma Arsenio.Cin
