GMN TV Politika CNRT ho ninia aliadu marka prezensa iha plenária

CNRT ho ninia aliadu marka prezensa iha plenária

0 views

Bankada CNRT iha uma fukun Parlamentu Nasionál (PN) ho ninia aliadu sira, hanesan partidu UDT/FM hamutuk ho PUDD marka ona prezensa iha plenária ne’ebé lidera husi Prezidente PN, Aniceto Guterres, iha Segunda, loron 1, fulan Juñu ne’e.

Hafoin mosu dezintendimentu polítika iha PN iha loron 18 no loron 19,  fulan Maiu ne’e, bankada CNRT ho ninia aliadu sira deside aujente iha primeira plenária ne’ebé diriji husi Prezidente PN foun iha semana kotuk.

Xefe bankada UDT/FM, Francisco Davíd Xavier Cárlos, hateten, pedidu ne’ebé haruka ba Tribunál Rekursu (TR), TR deside indefere, tanba ne’e, hola fali sira-nia pozisaun hanesan deputadu hodi reprezenta povu.

“Buat hotu ne’ebé haruka ba tribunál indefere prontu, la signifika ita labele mai hatutan nafatin povu nia hanoin, ba sira nia moris ami foti pozisaun inísia fulan Juñu ita kanta inu nasionál pátria pátria, ita hatudu ita-nia espíritu nasionalizmu no patrotizmu“, Xefe bankada UDT/FM ne’e ba jornalista iha PN, Segunda (01-06-2020).

Francisco informa, maske tribunál inderefe karta refere, maibé aliadu bankada CNRT ho UDT/FM hamutuk  ho PUUD sei metin nafatin.

Husi sorin seluk, Vise Xefe bankada FRETILIN, Francisco Miranda Branco, hateten, ho tribunál nia desizaun ba keixa sira hotu ne’ebé deputadu halo hodi boikota, sira hato’o laiha ona razaun ba deputadu sira atu kontinua  ho hahalok sira ne’e.

“Povu  tomak  asiste oinsa mak maluk deputadu CNRT sira fizikamente lakohi fo fatin ba Vise Prezidente PN na’in-rua atu prezide plenária, maske klaru loos katak PN iha altura ne’ebá deputadu Arão Noe iha impedimentu no lakohi prezide sesaun plenária sein esplikasaun no razaun klaru. Ikus, iha plenária iha loron 19, fulan Maiu, deputadu sira balun mai halo asaun krime iha sala plenária, liu husi baku fila meza no kadeira Prezidente PN no balun iha kraik halo tiha meza sira iha sala plenária laran ne’e sai babadok no baku halo barullu hanesan fali sira mai tebedai iha ne’e”, afirma Vise Xefe bankada FRETILIN ne’e.

Ho nune’e, Prezidente no kompozisaun meza PN, bankada FRETILIN hakarak atu fo hanoin fila-fali katak PN tenke halo prosesu hasoru hahalok sira ne’e.

Entretantu Tribunál Rekursu (TR) deside indefere pedidu bankada CNRT ne’e, iha loron 28, fulan Maiu, tinan ne’e. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker