GMN TV Politika CNRT: Kria Vise PM rua laiha programa hanesan de’it

CNRT: Kria Vise PM rua laiha programa hanesan de’it

0 views

Vise Xefe bankada CNRT, Patrocínio Fernandes, konsidera, postura Governu atuál ne’ebé kria tan pasta Vise Primeiru Ministru (PM), ne’e hanesan gengsi ida, tanba laiha programa atu implementa.

“Ita hein situasaun sira ne’e labele atu kontinua ba bei-beik, Governu agora ne’e iha kedas Vise PM na’in rua (2), tanba ohin ha’u dehan bainhira ema dezenvolve orgániku ruma tenke bazeia ba buat ida, saída mak nia atu halo kria pasta ruma tenke iha responsabilidade. Sé ita kria de’it pasta ita laiha programa ita ba ezekuta saída, Vise PM ne’e hanesan sa’e tan, ema hotu buka nia hakarak, nia hakarak atu sa’e tan uitoan la interese nia atu halo saída, importante nia iha kargu ida gengsi uitoan“,Vise Xefe bankada CNRT ne’e ba jornalista sira iha Parlamentu Nasionál (PN), Segunda (08-06-2020).

Patrocínio konsidera Governu atuál ne’e, siginifika halo despeza de’it ba Estadu, hafoin mosu dezintendimentu iha PN lei sira ne’e bele dehan lakon nia valór, maibé depende ema ida-idak nia forsa atu halo.

“Ha’u nia haree kompozisaun membru Governu ne’e boot duni inísiu VIII Governu parese aumenta, tanba aumenta tan pasta Vise PM boot-ki’ik buat importante ba ita mak haree katak pasta sira kria ne’e atu koresponde povu nia nesesidade ou lae, seluk kapasidade atu ezekuta programa ou pasta sira ne’ebé kria ne’e kontempla ita programa ou lae. Sé ita ko’alia ba ida ne’e barak tebes, tanba ita hatene Governu ida ne’e nia programa ida ne’ebé mak ita aprova iha PN no programa ne’ebe aprova iha PN ne’e na’in mak CNRT. Programa VIII Governu Konstituisionál ne’ebé aprova iha PN, ne’e nia-na’in mak CNRT, maibé Governu agora nia programa mak ida ne’ebé seidauk hatene”, dehan Patrocínio.

Hatán ba preokupasaun ne’e, Xefe bankada FRETILIN, Francisco Miranda Branco, hateten, kria membru Governu barak, inklui Vise PM, tanba haree ba asuntu sosiál no planeamentu ordenamentu.

“Ha’u hanoin ida ne’e la’ós gengsi ida, tanba sira-nia servisu iha haree kona-bá ordenamentu no ida haree kona-bá asuntu sosiál bainhira ita servisu povu no nasaun ita hasa’i tiha lia fuan gengsi. Timor-Leste iha ona esperensia kona-bá membru Governu hamutuk na’in 40 resin ida ne’e mak konsertasaun polítika entre partidu sira ne’ebé envolve iha laran “, haktuir Branco. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker