Embaixador Repúblika Indonézia ba Timor-Leste, Sahat Sitorus, hatete, Indonézia loke fali ona fronteira terrestre ba públiku tanba kazu pozitivu Corona Virus Disease 2019 (COVID-19) iha provínsia Nusa Tenggara Timur (NTT) hahú menus.
Tuir Sahat Sitorus, fronteira Indonézia ho Timor-Leste dau-dauk ne’e loke ona loron-loron, maibe ema ne’ebé tama no sai husi fronteira Indonézia tenke kumpri nafatin regra prevensaun COVID-19.
“Kona-ba polítika fronteira, Indonézia rasik oras ne'e dau-dauk loke Loro-Loron, maibe regra husi Mota-Ain fronteira Timor-Leste só loke deit iha loron Kuarta”, deklara embaixador ne’e iha Palásio Governo, Segunda (22-06-2020).
Embaixador ne’e mos salienta Indonésia oras ne’e dau-dauk iha pontu balun sei rejista kazu pozitivu foun COVID-19, maibe iha fatin barak la'os sidade boot sira kazu foun nafatin tun. Iha illa barak Nusa Tenggara Timur rasik oras ne'e dau-dauk iha kazu pozitivu hamutuk 111, iha Kupang rasik antes ne'e iha 12, oras ne'e dau-dauk hela kau pozitivu 7 deit. Iha illa Timor oras ne'e kazu pozitivu nafatin tun.
“Fronteira Indonézia loke loro-loron. Ha'u rasik husu transasaun ba sasan sira nafatin la'o no labele para. Depois ninia impaktu ne'e bele fila-fali ba konsumidor no vendordor sira no bele vendedor sira bele hasa'e folin sasan, tanba ne'e mak ita evita ida ne'e. Ba ema sira ne’ebé lori sasan tama no sai kontinua halo pasa revista deit, se bele halo loron ida tomak la'os oras tolu nia laran deit”, informa Sahat.
Embaixadór ne’e mos hateten governu Indonézia deside loke fila-fali nia fronteira bazeia ba oráriu loke no taka portal fronteira Timor-Leste nian. Entretantu, fronteira terestre Timor-Leste ho Indonézia oras ne'e dau-dauk loke semana ida dala ida, iha loron Kuarta. Oct
