GMN TV Politika Fidelis: Empreza rejistadu iha INSS bele hetan subsídiu 60%

Fidelis: Empreza rejistadu iha INSS bele hetan subsídiu 60%

0 views

Ministru Kordenadór Asuntu Ekonomia Interinu, Fidelis Leite Magalhães, hateten, kompañia ne’ebé mak durante ne’e rejista iha Institutu Nasional Seguransa Sosiál (INSS) bele hetan subsídiu 60%.

“Ho 60% ita bele formaliza ita-nia ekonomia atu bele garante katak setór ekonómiku ida ne’ebé formál ona, la rahun ho ida ne’e kompañia sira nia benifisiáriu sira selu hola parte iha rejime kontribuiante no rejistu iha Institutu Seguransa Sosiál. Uluk ita konvida ema atu rejistu ba seguransa sosiál, sira hanoin kontribuisaun impostu ho ida ne’e barak lakohi, maibé ho ida ne’e ema hotu sadar afinal kontribuisaun ida ne’e objektivu diak ida, prosesu ida ne’e Governu prepara ona”,afirma, Fidelis Leite Magalhães.

Governante ne’e esplika, orsamentu seguransa sosiál dadaun ne’e iha USD 19 millões Governu labele foti, tamba ne’e kontribuisaun husi sidadaun idak-idak, ho ida ne’e presiza reforsu ida hodi garante katak, bainhira Governu foti osan ne’e bele taka kedas.

Fidelis Leite hatutan, kona-ba lei no dokumentu seluk ba 60%, preparadu ona no dadaun ne’e hein reforsa fundu COVID-19 para depois efetua pagamentu.

Kestaun ne’ebé refere levanta husi deputadu sira iha Parlamentu Nasionál kona-ba prosesu fó subsídiu porsentu 60 ba kompañia sira durante implementasaun Estadu Emerjénsia.

Membru deputadu husi bankada FRETILIN no KHUNTO, husu Governu atu halo klarfikasaun kona-ba, fundu rekoperasaun ekonomika ba Empreza Privadu (EP) sira, tamba dadaun ne’e empreza balun aproveita hodi inventa istoria.

Deputada Bankada FRETILIN, Joaquim do Santos, husu Governu atu halo klarifikasaun kona-ba subsídiu 60%, tamba kompania privada balun mak inventa istoria.

“Kona-ba 60% ne’ebé Governu, kobre kompañia sira ne’ebé durante EE, tamba ne’e presiza esplika, kondisaun basiku ne’ebé Governu uza hodi halo, politíka subsídiu ba kompañia, ha’u deskonfia kompañia balu mate ona, serake sira ne’e bele hetan hotu 60%, ha’u nia rasosino ne’e haree, Governu nia polítika bele provoka  inventa istoria durante EE,” tenik, Deputadu Joaquim.

Iha fatin hanesan, Vise Xefi Bankada PLP, Francisco Vasconcelos subliña, Governu presiza haree didiak bainhira halo pagamentu, tamba kompañia balun traballadór laiha.

“Preokupasaun kona-ba 60% iha ema barak koalia to’o ohin loron Governu seida’uk implementa, empreza barak mak la la’o ona maibé obriga, hodi sai oportunidade ida hodi hetan, mesmu ke sira nia traballadóres laiha,” afirma, Francisco Vasconcelos.Cin


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker