GMN TV Politika FONGTIL: Estrutura VIII Governu hatodan OJE

FONGTIL: Estrutura VIII Governu hatodan OJE

0 views

Diretór ezekutivu Forum Organizasaun Naun Govermental Timor-Leste (FONGTIL), Daniel Santos do Carmo, konsidera, estrutura VIII Governu ne’ebé boot, ne’e sei hatodan no bele implika ba Orsamentu Jerál Estadu (OJE) iha prosesu ezekusaun, inklui kontribui ba prátika fahe poder.

“Tuir ami-nia haree estrutura VIII Governu Konstitusionál ne’ebé boot sei kontribui ba despeza Estadu no hatudu prátika polítika fahe poder no Governu ida ne’e hatudu katak, membru Governu barak liu, ne’e fó implikasaun ba OJE no hasa’e komplexidade dezempeñamentu governasaun. Estrutura ne’e estabelese dau-daun tuir FONGTIL ne’e sei hatodan OJE hodi aloka ba despeza operasionál, hodi finansia kamada estrutura tomak no ida ne’e, sei prejudika tebes sustentabilidade fundu petrolíferu iha futuru”, Diretór Ezekutivu FONGTIL ne’e liu husi konferénsia imprensa iha edifísiu FONGTIL, Caicoli-Díli, Segunda (08-06-2020).

Daniel kestiona, tanba kada tinan sempre haboot estrutura governasaun, maibé servisu governante sira la efetivu, hodi garante servisu públiku.

“Nu’udár organizasaun sosiedade sivíl preokupa, tanba tendénsia halo boot estrutura Governu akontese bei-beik iha kada governasaun, maibé Governu kontinua la efetivu no la efisiensia”, dehan nia.

Diretór ezekutivu FONGTIL ne’e husu mós ba Prezidente Repúblika (PR), Francisco Guterres “Lú Olo” atu tetu di-di’ak membru Governu ne’ebé livre husi indísiu oi-oin, nune’e, bele garante boa governasaun iha futuru.

“Governasaun di’ak mak ema tenke livre husi kualker kazu saída de’it, entaun ami la ezije atu Prezidente halo ida ne’e, maibé hanesan sidadaun ami nia aviza atu ita promove boa governasaun, liu husi ema ruma asume kargu polítika sira tenke moos husi kualker kazu”, sujere nia.

Daniel hateten, haboot estrutura Governu tenke tuir planu estratéjiku dezenvolvimentu ka PEDN no programa Governu ne’ebé iha no mós hatuur sidadaun ne’ebé iha méritu, nune’e, bele responde ba povu nia moris.

“Estrutura ida kuandu eziste tenke haree ba programa, kuandu Governu ida kaer metin ba programa PEDN ita boot sira haree prioridade iha PEDN ne’e mak agrikultura, edukasaun, saúde, infraestrutura bázika, petróleu, entaun estrutura ida tenke responde ba programa, la’ós estrutura ida halo tan de’it interese”, afirma nia.

Entretantu membru Governu foun ne’ebé simu ona pose husi PR mak hanesan Ministru Finansas (Fernando Hanjam), Ministra Saúde (Odete Belo), Ministru Agrikultura no Péskas (Pedro Reis), Ministru Veteranu no Antigu Kombatente (Meta Mali), Ministru Administrasaun Estatál (Miguel Carvalho Pereira), Ministru Asuntu Parlamentar no Komunikasaun Sosiál (Francisco Jerónimo), Armanda Berta kontinua fali kargu foun hanesan Vise Primeira Ministra no Fidelis Leite Magalhães asume fali pasta Ministru Prezidénsia Konsellu Ministru, hodi troka Agio Pereira.

Tuir planu PR Lú Olo sei fó tan pose ba membru Governu 12, hodi kompleta pasta iha governasaun daualu. san


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker