Governu Da-ualu sei aperzenta Orsamentu Jeral Estadu (OJE) tinan 2020 ba Parlamentu Nasionál (PN), iha fulan Setembru.
Primeiru Ministru, Taur Matan Ruak, informa, Oitavu Governu ne'ebé nia lidera sei aprezenta Orsamentu Jeral Estadu,(OJE) tinan 2020 ba PN, atu halo diskusaun hafoin ne'e, tuir kedas aprezenta mòs OJE ba tinan 2021, iha loron 15, fulan Outobru.
Kona-ba asuntu ne'e, Ministériu Finansas (MF) aprezenta ona kalendariu, no Segunda Feira, Primeiru Ministru sei husu tan, nune’e aprezenta tan dala ida.
“Sei iha tan aprezentasaun MF halo ona aprezentasaun, maibé, ha'u husu para segunda feira aprezenta tan, tanba membru Governu barak foun, foin tama sira presiza hatene, mais ami nia planu mak iha Setembru aprezenta OJE 2020 ni’an no Outobru, tuir lei dia 15, orsamentu 2021, tenke to’o PN”, dehan, Xefe Governu, Taur Matan Ruak, iha Palásiu Prezidensial Nicolau Lobatu, Bairro-Pite, Kinta (25/06).
Primeiru Ministru, Taur Matan Ruak, hatutan, dadaun ne’e Governu kontinua la’o ho orsamentu duodésimu, tanba ne’e, primeiru ministru iha esperansa ba membru Governu foun sira hodi eleva nível ezekusaun orsamentu duodesimal no orsamentu duodésimu provavelmente sei to’o fulan Outobru. Ina
