Atu dezenvolve profesionalizmu seguransa, Governu liu husi Konsellu Ministru (KM) aprova projetu Dekretu Lei, kona-ba regulamentu disiplinar ba Polísia Nasionál Timor-Leste (PNTL).
Projetu Dekretu-Lei ne’e, aprezenta husi Ministru Defeza no Interiór (MDI) interinu, Filomeno da Paixão de Jesus.
“KM aprova projetu Dekretu-Lei, kona-ba regulamentu disiplinar PNTL, Dekretu-Lei ne’e atu asegura profesionalizmu PNTL nian ba futuru”, dehan, Ministru Prezidensia Konsellu Ministru (MPKM), Fidelis Leite Magalhães, iha Palásiu Governu, Kuarta (24/06/2020).
Governante ne’e esplika, projetu Dekretu-Lei ida ne’e hakarak atu halo revizaun ba atuál, regulamentu disiplinár PNTL nian, ne’ebé aprova ona iha tinan 2004 no seida’uk aktualizadu haree ba nesesidade instituisaun nini'an no saida de'it, nu’udar objetivu dezenvolvimentu no profesionalizmu PNTL.
“Regulamentu foun ida ne’e hakarak atu regula PNTL no regra estruturadu lubuk ida, hodi garante disiplina instituisionál no profesional, hodi haroman loloos objetivu legál husi Polísia moderna, ne’ebé kria hodi defende sidadaun sira, no hodi bele hatu’ur disiplina ba relasaun fundamentál ba sosiedade nia moris”, afirma Fidelis.Cin
