VIII Governu halo retiru durante loron rua, husi Sesta to’o Sábadu semana kotuk, hodi hametin espíritu servisu ekipa no atu assegura kontinuidade mandatu to’o 2023 nune’e bele lori desenvolvimentu ba povu.
Tuir Ministru Prezidensia Konsellu Ministru, Fidélis Magalhães, objetivu husi retiru ne’e rasik hodi diskute jeo estratéjia no jeo polítika nasaun nian no desenvolvimento hirak ne’ebé la’o iha Timor-Leste. Além de ne’e iha retiro ne’e mos membro oitavu governo sira simu orientasaun husi Primeiru-Ministru oinsa atu garante kontinuidade oitavu governo nian to’o fim mandatu no atinje programa prioridade sira.
“Tamba ita hatene katak membro governo sira hotu iha ne’e atu fo apoio ba xefi governo hodi bele kokretija visaun no objetivu sira governasaun nian. Tamba ida ne’e importante, depois ida mos atu bele desenvolve forma hanoin no espresaun ho lian ida no hahalok ida no hakat hanesan ba iha futuro iha período governasaun nian. Materia ba retiro ne’e hau la precisa divulga, maibe importante hau hakarak koalia ba ita boot sira katak assunto hirak ne’e aborda iha retiro ne’ebe maka lao tia ona durante loron rua ne’e”, deklara.
Iha retiro ne’e partisipa máximo husi membro governo foun sira ne’ebe mak foin Simu posse. Tuir Ministro Presidensia Konsellu Ministro, durante enkontru ne’e mos primeiro ministro husu atu membro governo servisu ekipa hodi lori desenvolvimento ba sidadaun sira. Entretanto oras ne’e membro oitavu hamutuk 46, Primeiro-Ministro Taur Matan Ruak assume mos cargo nu’udar Ministro Interior no Vice Primeira Ministra, Armanda Berta Assume mos cargo nu’udar Ministra solidaridade Sosial no Inklusaun(MSSI).Oct
