GMN TV Politika Governu husu PN autoriza foti FP millaun USD 286.800 transfere ba OJE

Governu husu PN autoriza foti FP millaun USD 286.800 transfere ba OJE

0 views

Konsellu Ministru aprova proposta lei, ne’ebé aprezenta husi, Ministru Finansas, Fernando Hanjam hodi hodi husu autorizasaun, halo tranferensia orsamentu extra-ordinaria, husi fundu petroliferu ba Orsamentu Jerál Estadu (OJE), ho valor millaun USD286.800.

“KM aprova proposta lei ne’ebé, aprezenta husi MF, kona-ba autorizasaun hodi realiza transferensia extra-ordinária, husi fundu petroliferu, no mos halo alterasaun dahuluk ba lei númeru 2/2020, loron 6 fulan abril 2020, ne’ebé kria fundu COVID-19,” hateten, Ministru Prezidensia Konsellu Ministru, Fidelis Leite Magalães iha Palasiu Governu, Kuarta (03/06/2020).

Governante ne’ e esplika, ho ida ne’e hodi hanoin mos katak reseita hirak ne’ebé, mai husi reseita fiskal no saldu ezekusaun orsamentál, husi tinan kotuk nian ne’ebé komplimenta, husi tranferensia extra-ordináriu husi fundu petroliferu, autorizadu liu husi Lei númeru 2/2020 loron 6 fulan abril 2020, lá sufisienti atu finansia aktividade regular administrasaun públika nian.

Nia hateten, tranferensia extra-ordináriu ne’e, bele utiliza to’o fulan Agostu deit, tamba presiza tan montante atu atribui hodi reforsa liu tan fundu COVID-19, ne’ebé sei orienta ba programa sosiu ekonomiku.

“Diploma ida ne’e ho objetivu atu fó autorizasaun, atu realiza transferénsia extra-ordináriu husi fundu petroliferu ba, OJE pedidu levantamentu ne’e ho valór millaun USD286.800 hodi garante funsionamentu-funsionamentu normal administrasaun públika, reforsa kofre Estadu no reforsa fundu COVID-19,”tenik, Fidelis.

Fidelis subliña, levantamentu ne’e aprova ona iha KM no Governu sei haruka ba PN, no iha tempu badak nia laran, PN iha plenaria ida hodi bele halo desizaun, aprovasaun kona-ba pedidu Governu nian, PN sei altera lei ne’ebé jere kona-ba fundu COVID-19.

“Ho ida ne’e husu ba PN atu bele tranferensia osan, husi fundu minerai atu bele reforsa liu tan, ita nia insitiva iha kontextu luta kontra COVID-19, no esfisifikamente medidas sosiu ekonomiku,” afirma, Ministru Fidelis.Cin


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker