GMN TV Politika Governu sei aprezenta OJE 2020 fulan setembru

Governu sei aprezenta OJE 2020 fulan setembru

0 views

Oitavu Governu konstituisionál ne’ebé lidera husi Primeiru Ministru (PM), Taur Matan Ruak sei aprezenta Orsamentu Jerál Estadu (OJE) tinan 2020 iha fulan Setembru no OJE 2021 sei aprezenta iha fulan Outubru.

“Governu sei aprezenta OJE 2020 no 2021 iha fulan Setembru no Outubru tinan ne’e, durante Governu daualu uza orsamentu duodesimu hanesan ho OJE, maibé diferensia iha karakter, maibé ezekusaun orsamentu funsiona hanesan bai-bain, tanba ne’e, ekipa tékniku sira hahú halo sira nia planu prosesu la’o hanesan bai-bain, hotu tiha sei ba iha Komite Revisaun Orsamentu no sei lori ba Konsellu Ministru (KM) aprova no lori ba iha Parlamentu Nasionál (PN) atu halo diskusaun no aprova OJE 2020”.

“Kona-bá montante orsamentu labele fó sai, tanba tékniku sira sei halo levantamentu, seidauk klaru no kada ministériu propoin orsamentu ita adopta polítika programa baze bazeting. ita hein ministériu sira hala’o sira nia programa mak foin bele hatene montante orsamentu“, Sekretáriu Estadu Komunikasaun Sosiál (SEKOMS), Mericio Akara hafoin partisipa plenária iha PN, Tersa (09-06-2020).

Nia esplika, bainhira tékniku sira finaliza ona levantamentu Ministériu Finansas (MF) sei aprezenta montante orsamentu ba tinan 2020 lori ba Konsellu Ministru (KM) aprova.

Governante  ne’e  mós  hateten,  Governu sei kumpre nia promesa kona-bá fó apoiu subsídiu porsentu 60 ba kompañia sira hodi selu traballadór no dau-daun ne’e tékniku sira halo hela servisu hodi aselera prosesu pagamentu.

“Polítika ne’e sei mantein no agora tekniku nafatin kontinua servisu iha hahú subsídiu kada família la’o ona, depois ezekuta polítika seluk prosesu mak ita tenke kuidadu tenke tuir regra ita labele, tanba de’it fó osan ita viola regra mos labele. Polítika ne’ebé Governu promesa ona sei ezekuta prosesu maka la’o nei-neik, tanba bolu rekoperasaun ekonómia tenke la’o nei-neik tenke rekopera situasaun to’o tempu ida sei normal hanesan bai-bain. Governu sei haree orasmentu, sé la sufisiente ami sei mai PN husu orsamentu ezekuta tuir planu ne’ebé iha, ita labele ezekuta bainhira orsamentu la sufisiente”, tenik Akara.

Antes ne’e, Prezidente Institutu Nasionál Seguransa Sosiál, Longuinhos Armando, hateten, proposta kona-bá subsídiu ho porsentu 60 ba kompañia sira finaliza ona no haruka ona ba MF. ety


Banner

Foto

Notisia Ikus

Governu prevee millaun USD 1.5 ba indemnizasaun SUA

October 27, 2021
Ministru Ensinu Superiór Siénsia Kultura (MESS...

Extensaun EE da-19 pasa, PN sujere labele limite movimentu populasaun

October 27, 2021
Parlamentu Nasionál (PN) aprova tan pedidu exte...

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...
1 2 3 656

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker